Qara noddi (Anous minutus) - Həmçinin "ağbaş noddi" kimi də tanınan, "Laridae" fəsiləsinə aid olan bir növü. Taksonomiya Qara noddi ilk dəfə 1844-cü ildə alman təbiətşünası və hüquqşünası Fridrix Boye tərəfindən müasir binominal adı ilə təsvir edilmişdir. "Anous" cins adı qədim yunan dilində "axmaq" və ya "səfeh" mənasını verir. Minutus isə latıncada "kiçik" deməkdir. Yarımnövlər -A. m. worcesteri (McGregor, 1911) – Kavilli adası və Tubbataha rifi (Sulu dənizi) -A. m. minutus (Boie, 1844) – Şimal-şərqi Avstraliya və Yeni Qvineyadan Tuamotu arxipelaqına qədər -A. m. marcusi (Bryan, 1903) – Markus və Ueyk adaları, Mikroneziya və Karolin adaları -A. m. melanogenys (Gray, 1846) – Havay adalarından Kermadek adalarına qədər -A. m. diamesus (Heller and Snodgrass, 1901) – Klipperton adası (Qərbi Meksika yaxınlığında) və Kokos adası (Qərbi Kosta Rika yaxınlığında) -A. m. americanus (Mathews, 1912) – Karib dənizindəki adalar -A. m. atlanticus (Mathews, 1912) – Atlantik okeanının tropik adaları Təsvir Qara noddinin uzunluğu 35-37 sm, qanadları arasındakı məsafə 66-72 sm, çəkisi isə 98-144 qramdır. Tünd lələklərə və açıq rəngli başlığa malikdir. Hər bir gözün altında kiçik ağ aypara və gözün üstündə ağ ləkə var. Uzun, daralan qanadları və kəsilmiş quyruğu var. Dimdiyi iti uclu və qara rəngdədir. Ayaqları tamamilə pərdəlidir və əksər yarımnövlərdə qara, "melanogenys" yarımnövündə isə narıncı rəngdədir. Davranış Bu quşların "noddi" adlandırılmasının səbəbi, çoxalma dövründə hər iki cinsin davamlı olaraq başlarını aşağı-yuxarı hərəkət etdirməsi ola bilər. Onlar insanlara qarşı çox tolerantdır, hətta yuvalarından götürülə bilərlər. Balıq və kalmarla qidalanırlar, bunları dəniz səthi üzərində alçaq uçaraq toplayırlar. Yırtıcı balıqların kiçik balıqları səthə qovduğu ərazilərdə digər dəniz quşları ilə birlikdə ola bilərlər. Yayılması Qara noddi tropik və subtropik dənizlərdə geniş yayılmışdır. Koloniyalar Sakit okeanında geniş yayılmış, Karib dənizi, Mərkəzi Atlantika və şimal-şərqi Hind okeanında daha səpələnmişdir. Dənizdə ümumiyyətlə sahilə 80 km məsafədə olan çoxalma koloniyaları yaxınlığında görünür. Quşlar gecələr yuvalarına və ya digər adalara qayıdır.
https://ebird.org/species/blknod
https://en.wikipedia.org/wiki/Black_noddy
https://birdsoftheworld.org/bow/species/blknod/cur/introduction
https://animaldiversity.org/accounts/Anous_minutus/
https://datazone.birdlife.org/species/factsheet/black-noddy-anous-minutus
https://www.inaturalist.org/taxa/4537-Anous-minutus
https://www.audubon.org/field-guide/bird/black-noddy
https://hawaiibirdingtrails.hawaii.gov/bird/black-noddy/
https://xeno-canto.org/species/anous-minutus
https://www.nzbirdsonline.org.nz/species/black-noddy
Tarix : 9 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
