Qara günəş quşu (Leptocoma aspasia) - "Nectariniidae" fəsiləsinə aid olan bir quş növü. Şərqi İndoneziya və Yeni Qvineyada yayılmışdır. Təbii yaşayış mühiti subtropik və ya tropik rütubətli düzənlik meşələri və subtropik və ya tropik manqrov meşələridir. Təsvir Qara günəş quşu kiçik bir oxuyan quşdur, uzun aşağı əyilmiş dimdiyə və parlaq rəngli bədənə malikdir. Qara günəş quşunun ömrü təxminən 3,6 ildir. Quşların rənglənməsi erkək və dişi arasında fərqlənir. Erkək qara günəş quşu gecə qarası rəngdədir və üst sinəsində parlaq mavi-bənövşəyi zolaq var. Başında parlaq yaşıl bir tac, qanadları və quyruğu isə mavi parıltılıdır. Bir çox regionda boğaz hissəsi parlaq qırmızı-bənövşəyi rəngdədir, lakin şimala doğru bu rəng mavi parıltıya doğru dəyişir (Molucca və Kay adaları). Dişi qara günəş quşu isə erkəkdən tamamilə fərqli rənglərə malikdir. Onun sinəsi və bədəni yaşıl-sarı rəngdədir. Qanadları və başı qəhvəyi rəngdədir. Şimal ərazilərində dişi qara nektar quşunun rəngi "təsvir edilməyən" xarakter daşıyır: başı kömür rəngli, üst bədəni zeytun-yaşıl, alt bədəni isə sarıdır. Cavan qara günəş quşu dişiyə bənzəyir, lakin daha aydın sarı boğazı var. Taksonomiya Əvvəllər "Nectarinia" cinsinə aid edilsə də, 2016-cı ildə təsnifatda dəyişiklik edilərək "Leptocoma" cinsinə daxil edilmişdir. Yaşayış mühiti Təbii yaşayış mühiti subtropik və ya tropik rütubətli düzənlik meşələri və subtropik və ya tropik manqrov meşələridir. Qara nektar quşu müxtəlif meşə növlərini, xüsusilə meşə kənarlarını üstün tutur. Hindistan cqozu plantasiyalarında və digər əkin sahələrində, məsələn, kolluqlar və bağlarda tez-tez rast gəlinir. Qidalanma Bu quşlar müxtəlif buğumayaqlılar, həmçinin meyvə və çiçəklərdən nektar ilə qidalanır. Adətən tək-tək, cüt-cüt və ya ailə qrupları halında qidalanır, bəzən isə daha böyük qruplarda görünür. Qarışıq növlü qruplara qoşulmaq nadir hallarda müşahidə edilir. Qidalanma zamanı çox fəal olurlar. Quşlar əsasən qidanı yerdən toplayır və ya havada tutmaq üçün havada asılı vəziyyətdə qalır. Səs Qara günəş quşunun mahnısı 1,5-4 saniyə davam edən sürətli və şirin bir ritmdən ibarətdir. Tək və ya bir sıra yüksək tonlu səsli notlardan ibarətdir; sürətli ikiqat notlar, biri digərindən daha yüksək, təmiz bir "peep" səsi; sürətli və qeyri-müəyyən "zi-zi-zi-zi" səsləri ilə bitir. Uçuş zamanı isə "pit-pit-pit" səsi çıxarır. Çoxalma Qara günəş quşu Sulavesidə avqust və sentyabr aylarında, Papua Yeni Qvineyanın adalarında isə mart və may-yanvar aylarında yumurta qoyur.
https://ebird.org/species/blksun1
https://en.wikipedia.org/wiki/Black_sunbird
https://www.inaturalist.org/taxa/979764-Leptocoma-aspasia
https://datazone.birdlife.org/species/factsheet/black-sunbird-leptocoma-aspasia
https://xeno-canto.org/species/Leptocoma-aspasia
https://animalia.bio/index.php/black-sunbird
https://datazone.birdlife.org/species/factsheet/black-sunbird-leptocoma-aspasia
https://app.birda.org/species-guide/31874/Black_Sunbird
https://www.oiseaux.net/birds/black.sunbird.html
https://www.jungledragon.com/specie/33856/photos
Tarix : 9 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
