Qara çiçəkyeyən (Diglossa humeralis) - Sərçəkimilər dəstəsinə aid olan "Thraupidae" fəsiləsinin bir növü. Təsvir Yetkin qara çiçəkyeyənlər 13-14 sm uzunluğunda olur. Onlar vahid qara rəngdədir (erkəklərdə tünd qara rəngə zəif mavi parıltı düşür). Onların gözləri qəhvəyi, dimdikləri qara və əsası boz rəngdədir. Dişilər daha mat qara rəngdə olub, mavi parıltıya malik deyil, qanadları və quyruğu isə qəhvəyimtıl rəngdədir. Cavan quşlar da daha mat rəngdə olur. Yarımnövlər -"D.h. aterrima" (Ekvador, cənubi Kolumbiya) – yuxarıda verilən təsvirə uyğundur. -"D.h. humeralis" (Şimal və cənub Kolumbiyanın şərq And dağları, cənub-qərb Venesuela) – Erkəklər mat qara rəngdə olub, mavi çalarlı çiyin və kiçik boz belə malikdir. Dişilər çox tünd qəhvəyi rəngdə olub, boz bel hissəsi daha az nəzərə çarpır. -"D.h. nocticolor" (Kolumbiyanın Santa Marta, Venesuelanın Perija bölgəsi) – Tamamilə qara rəngdə olub, yalnız zəif parıltı və tünd boz belə malikdir. Dişilər erkəklərdən bir qədər daha matdır. Səsi Sürətli bir sıra cırıltı və cığırtı səsləri ilə xarakterizə olunur, hətta parlaq çiçəkyeyən (Diglossa lafresnayii) ilə müqayisədə daha sürətlidir. Qara çiçəkyeyənin səsi demək olar ki, boz "Conirostrum cinereum" quşunun səsinə bənzəyir. Yayılması və yaşayış mühiti Ekvador, Kolumbiya, Peru və Venesuelada rast gəlinir. Subtropik zonadan Paramo qurşağına qədər, 2.175 - 4.000 metr yüksəklikdə, lakin əsasən 2.700 - 3.400 metr yüksəklikdə sıx rütubətli meşə kənarlarında yaşayır. Həmçinin dağınıq bitki örtüyü, kolluqlu açıqlıqlar, evkalipt plantasiyaları, parklar və bağlarda da tapılır. Hazırda Hindistanın Banqalor şəhərində də müşahidə edilir. Davranış Nektarla qidalanır və kiçik onurğasızları yeyir. Qara çiçəkyeyənlər tez hərəkət edir və əsasən meşənin aşağı hissələrində daha fəal olurlar. Əsasən tək-tək və ya cüt-cüt rast gəlinir.

İstinadlar

https://ebird.org/species/blkflo1

https://en.wikipedia.org/wiki/Black_flowerpiercer

https://www.inaturalist.org/taxa/9836-Diglossa-humeralis

https://animalia.bio/black-flowerpiercer

https://www.oiseaux.net/birds/black.flowerpiercer.html

https://www.birdguides.com/species-guide/ioc/diglossa-humeralis/

https://datazone.birdlife.org/species/factsheet/black-flowerpiercer-diglossa-humeralis

https://www.jungledragon.com/specie/15367/black_flowerpiercer.html

https://www.peruaves.org/thraupidae/black-flowerpiercer-diglossa-humeralis/

https://avibase.bsc-eoc.org/species.jsp?avibaseid=CC7387DB280476E1

Tarix : 9 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.