Qara bittern (Botaurus flavicollis) - "Qədim Dünya" mənşəli bir bittern növü. Tropik Asiyada, Pakistan, Hindistan, Banqladeş və Şri Lankadan başlayaraq, Çin, İndoneziya və Avstraliyaya qədər yayılır. Əsasən yerli olaraq yaşayır, lakin bəzi şimal quşları qısa miqrasiya edirlər. Bu növ əvvəllər "Ixobrychus" cinsində yerləşdirilirdi. Taksanomiya Qara bittern ilk dəfə 1790-cı ildə ingilis ornitoloqu Con Latham tərəfindən "Ardea flavicollis" binominal adı ilə təsvir edilmişdir. O, ingilis dilində "sarıboğazlı çöl quşu" adını vermiş və növün tipik yayılma ərazisi olaraq Hindistanı göstərmişdir. Qara bittern əvvəllər "Ixobrychus" cinsində idi, lakin 2023-cü ildə yayımlanan heron ailəsinin molekulyar filogenetik tədqiqatı "Ixobrychus" cinsinin "paraphileti"k olduğunu aşkar etmişdir. Bununla əlaqədar olaraq, "Ixobrychus" cinsi "Botaurus" cinsinə daxil edilmişdir. "Botaurus" cinsi 1819-cu ildə ingilis təbiətşünası Ceyms Frensis Stivens tərəfindən təqdim olunmuşdur. Cins adı "Botaurus2 Orta Latın dilində bittern mənasını verir. Xüsusi epitet "flavicollis" Latın dilində "flavidus" (sarımtıl) və müasir Latın -"collis" (boğazlı) sözlərindən yaranır. Alt növlər -B. f. flavicollis (Latham, 1790) – Hindistan, Filippin,qərbi və mərkəzi İndoneziya -B. f. australis (Lesson, RP, 1831) – şərqi İndoneziya, Yeni Gvineya, Bismark arxipelaqı və Avstraliya -B. f. woodfordi (Ogilvie-Grant, 1888) – Bouqinvil adası ilə Rennell adası (Solomon adaları, şimaldan cənuba, Makira istisna olmaqla) Təsvir Qara bittern orta ölçülü bir bittern növüdür və uzunluğu 54–66 sm (21–26 inç) arasında dəyişir. Üst hissəsi tünd rəngdədir və qara rəngdə müşahidə olunur. Erkək quşun yuxarısı qara, boyun tərəfləri sarımtıl rəngdədir və boynu tünd qəhvəyi zolaqlarla örtülüdür. Dişi quş isə qara deyil, tünd qəhvəyi rəngdədir. Cavan quşlar dişiyə bənzəyir, lakin daha solğun rəngdədir. Onlar, gizlənərək yaşayan həyat tərzləri və kollar arasındakı yaşayış yerləri səbəbilə görmək çətin ola bilər, amma tamamilə qara üst hissələri onları asanlıqla tanınan edir. Davranış Onların çoxalma yeri, əsasən kollardan ibarətdir. Onlar kolların üzərində və ya bəzən ağaclarda yuva qururlar. Üçdən beşə qədər yumurta qoyurlar. Balalar ağ tüklərlə örtülüdür və qəhvəyi ləkələrlə sahibdir. Təxminən 15 gündən sonra balalar öz yuvalarından uzaqlaşmağa başlayırlar. Qidalanma Qara bitternlər qurbağalar, 15 sm uzunluğuna qədər balıqlar, xərçəngkimilər və həşəratlarla qidalanırlar. Onlar əsasən axşam və gecə yemlənirlər. Qorunma Qara bitternlər "Avstraliya Ətraf Mühit Mühafizəsi və Bioloji Müxtəliflik Qorunması Qanunu" (1999) altında təhdid altında olan növlər arasında qeyd olunub. Avstraliyanın Viktoriya ştatında isə, Qara bittern "Viktoriya Flora və Fauna Zəmanət Qanunu" (1988) altında təhdid altında olan növ kimi qeyd olunub. Bu qanuna əsasən, bu növün bərpası və gələcək idarə edilməsi ilə bağlı hərəkət planı hələ hazırlanmayıb. 2007-ci il üzrə Viktoriya təhdid altındakı onurğalı fauna məsləhətçi siyahısında Qara bittern həssas növ olaraq qeyd olunub.
https://app.birda.org/species-guide/7871/Black_Bittern
https://ebird.org/species/blabit1
https://en.wikipedia.org/wiki/Black_bittern
https://www.birdsinbackyards.net/species/Ixobrychus-flavicollis
https://xeno-canto.org/species/Ixobrychus-flavicollis
https://singaporebirds.com/species/black-bittern/
https://datazone.birdlife.org/species/factsheet/black-bittern-ixobrychus-flavicollis
https://australian.museum/learn/animals/birds/black-bittern/
https://threatenedspecies.bionet.nsw.gov.au/profile?id=10441
https://www.heronconservation.org/herons-of-the-world/list-of-herons/black-bittern/
Tarix : 8 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
