Qara bığlı vireo (Vireo altiloquus) - Kiçik bir sərçəyəbənzər quş növü. ABŞ-nin cənubi Florida ştatında və Venesuela sahillərinə qədər cənubda, Karib adalarında çoxalır. Qismən miqrantdır, şimal quşları Böyük Antil adalarından, Şimali Amerikaya qədər qışlayırlar. Bu növ nadir hallarda Kosta-Rikada görünür. Yaşayış yeri Çoxalma dövründə açıq yarpaqlı meşəlik ərazilərdə və əkin sahələrində, həmçinin Floridada manqrov meşələrində yaşayır. Qara bığlı vireo ağac budağında, kasa şəklində yuva qurur və 2-3 ədəd ağ rəngli yumurta qoyur. Xarici görünüş Bu vireonun uzunluğu 14-15 sm, qanad açıqlığı 25 sm, çəkisi isə 17-19 qramdır. Qalın göy-boz rəngli ayaqları və güclü dimdiyi var. Yetkin qara bığlı vireonun üst hissəsi donuq zeytun-yaşılı, alt hissəsi isə sarımtıl rəngli çalarlara malik ağdır. Qırmızı gözləri və zəif tünd kənarları olan boz-qəhvəyi tacı var. Gözlərindən qara xətt, qaşlarının üstündən isə ağ zolaq keçir. Boynunun yanlarında xarakterik qara zolaq ("bığ") var. Cavan quşlar böyüklərə oxşayırlar, lakin onların gözləri qəhvəyi-qırmızıdır. Bu növ qırmızıgözlü vireoya oxşayır, lakin yuxarı hissəsi daha donuq və qəhvəyidir. Ən yaxşı fərqləndirici xüsusiyyəti qara "bığ"ıdır. Nəğməsi qırmızıgözlü vireonun nəğməsindən daha qısa olan üç hecalı "qamçı səsi"dir. Qidalanma və davranış Qara bığlı vireo ağacların yarpaqlarından həşəratları yığır, bəzən yemlənərkən havada asılı vəziyyətdə qalır. Həmçinin az miqdarda giləmeyvə də yeyir. Bu quş ABŞ ərazisində qəhvəyi başlı inək quşu, daha cənubda isə parlaq inək quşu tərəfindən yuva parazitizminə məruz qalır.
https://www.allaboutbirds.org/guide/Black-whiskered_Vireo/id
https://ebird.org/species/bkwvir
https://en.wikipedia.org/wiki/Black-whiskered_vireo
https://www.audubon.org/field-guide/bird/black-whiskered-vireo
https://xeno-canto.org/species/vireo-altiloquus
https://datazone.birdlife.org/species/factsheet/black-whiskered-vireo-vireo-altiloquus
https://www.inaturalist.org/taxa/17399-Vireo-altiloquus
https://climateadaptationexplorer.org/species/birds/108
https://doe.ky/terrestrial/animals/birds/bird-guide/vireos/vireos_blackwhiskeredvireo/
https://academic.oup.com/auk/article-abstract/46/3/394/5253993?redirectedFrom=fulltext
Tarix : 13 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
