Punqsan iti - Koreyaya aid olan ov iti cinsi. Mənşəyi Bu cins, əvvəllər Punqsan adlanan Kimhyonggvon bölgəsində yaranmışdır. Onlar həmçinin "Phungsan", "Koreya Phungsan" və ya "Poongsan" itləri kimi də tanınırlar. Xüsusiyyətlər Punqsan itini ov iti kimi fərqləndirən əsas xüsusiyyət onun döyüş qabiliyyəti deyil, dözümlülüyüdür. Bu itlər, ovçu gəlib ovu tamamilə məhv edənə qədər gözləmək qabiliyyətinə malikdir. Onlar əla səbr və sədaqət nümayiş etdirirlər. Bundan əlavə, Punqsan iti dağlıq bölgələrdə yetişdirildiyi üçün yüksək fiziki dözümlülüyə, soyuğa, xəstəliklərə qarşı yaxşı müqavimətə malikdir. Onun təbii xasiyyəti və fiziki vəziyyəti onu ov iti kimi ideal edir. Bununla belə, bu itlər eyni zamanda nəcib xarakteri ilə tanınır. Digər aqressiv itlərdən fərqli olaraq, Punqsan itləri ümumiyyətlə çox sakitdirlər və zəif insanlara və ya yoldan keçənlərə hücum etmirlər. Onların əsassız şəkildə hürmək və ya dalaşmaq halları nadirdir. Nəticə etibarilə, ov zamanı instinktlərindən və xasiyyətlərindən istifadə edərək ovlarını möhkəm təqib etsələr də, gündəlik həyatda çox yaxşı tərbiyəli və sahibinə sadiqdirlər. Erkək Punqsanlar 60-65, dişilər isə 50-60 sm hündürlükdə olurlar. Hər iki cinsin ortalamçəkisi 20-30 kq arasındadır. Qidalanma Punqsan itlərinin sağlam inkişafı üçün yüksək keyfiyyətli və yaş dövrünə uyğun pəhriz tövsiyə edilir. Sağlam çəkini qorumaq üçün yemək porsiyalarını düzgün ölçmək vacibdir. Həddindən artıq qidalanma və artıq çəki riskini minimuma endirmək üçün itin kalori qəbulunu tənzimləmək lazımdır. Gündəlik kalori qəbulunun 10%-dən çoxunun şirniyyatlarla təmin edilməsi çox zərəlidir. Qulluq Punqsan itlərinin qalın ikiqat kürkü vaxt aşırı daranmağa ehtiyac duyur. Kürk tökülməsini idarə etmək üçün həftədə iki dəfə daramaq kifayətdir. İldə iki dəfə kürklərini dəyişdikləri dövrlərdə (adətən yaz və payızda), daha tez-tez daramaq tövsiyə olunur. Qulaq infeksiyalarının qarşısını almaq üçün itin qulaqlarını mütəmadi yoxlamaq və ehtiyac olduqda kirləri təmizləmək önəmlidir. Uzun dırnaqlar narahatlıq yarada bilər və hətta qaçma və ya gəzmə zamanı problemlərə səbəb ola bilər. Dırnaqları mütəmadi olaraq kəsilməlidir. Punqsan itlərinin ümumi sağlamlığını dəstəkləmək üçün düzgün diş gigiyenası çox önəmlidir. Peşəkar diş təmizliyi ilə yanaşı, mütəmadi diş fırçalama və baytar tərəfindən tövsiyə edilən diş çeynəmə məhsullarından istifadə edilməlidir. Cins Beynəlxalq kinoloji klublar Punqsan itlərini "Sibir xaski tipinin yerli bir variantı, lakin daha az fiziki cəlbedici və davranış problemləri olan" bir cins kimi qiymətləndirirlər. Tarix Koreya Tədqiqatları Akademiyasının "Koreya Mədəniyyəti Ensiklopediyası"na görə, Punqsan iti ilk dəfə Yaponiyanın kolonial dövründə Koreya yarımadasının milli simvolu kimi tanınmışdır. Bu cins həmçinin Rusiyada pələng, ayı və donuz ovu üçün istifadə edilmişdir. Punqsan itləri uzun müddət digər bölgələrdən təcrid olunmuş şəkildə yetişdirilmişdir. Mədəniyyətdə Bu it 2010-cu ildə uşaqlar üçün çəkilmiş "Punqsan İtinin Hekayəsi" animasiya filmində və Paek Myeong Kilin 2017-ci il romanı "Punqsan İtləri"ndə milli simvol kimi təqdim edilmişdir. Bu cins üçün xüsusi it nümayişləri təşkil olunur.
https://en.wikipedia.org/wiki/Pungsan_dog
https://www.wisdompanel.com/en-us/dog-breeds/pungsan
https://www.dogbreedinfo.com/p/pungsandog.htm
https://wagwalking.com/breed/pungsan
https://embarkvet.com/resources/dog-breeds/pungsan/
https://www.petpaw.com.au/breeds/pungsan-dog/
https://www.lovemydogz.com/breed-description/pungsan/
http://www.yooshinkennels.com/poongsan-info.html
https://petlur.com/dog/breed/pungsan-dog
Tarix : 11 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
