Pholcus phalangioides hörümçəyi - Ümumi adı ilə kosmopolit zirzəmi hörümçəyi, uzun gövdəli zirzəmi hörümçəyi və ya müxtəlif növlərdən biri olan daddy long-legs hörümçəyi, Pholcidae fəsiləsinə aid bir hörümçək növü. Etimologiya İlk dəfə 1775-ci ildə İsveçrəli entomoloq Johann Kaspar Füssli (soyadı həmçinin Fuesslin kimi də yazılır) tərəfindən Aranea phalangoides adı ilə təsvir edilmişdir. Onun "daddy long-legs" ümumi adı, eyni ümumi adı daşıyan fərqli bir buğumayaqlılar qrupu olan Opiliones (biçinçilər) və ya Tipuloidea superfəsiləsinə aid olan crane flies ilə qarışdırılmamalıdır. Genetik populyasiya quruluşu P. phalangioides populyasiyalarının ölçüsü insan tərəfindən tikilmiş binaların mövcudluğundan böyük ölçüdə təsirlənir, çünki bu hörümçəklər daha isti mühitləri üstün tutur. Dünyada binaların çoxluğu P. phalangioides üçün əlverişlidir, lakin populyasiyalar adətən nisbətən kiçik, geniş yayılmış və bir-birindən çox izolə olmuşdur. Bu kiçik ölçü və populyasiyaların aşağı hərəkətliliyi, genetik sürüşmənin, xüsusilə təməl effektin, populyasiya quruluşunda daha böyük rol oynamasına səbəb olur. Populyasiyalar arasında bəzi gen axını mövcud olsa da, onun əhəmiyyəti coğrafi izolyasiya ilə əlaqəli genetik sürüşmə ilə müqayisədə əhəmsızdır. Nəticə etibarilə, eyni coğrafi regionda yaşayan eyni populyasiyaya aid P. phalangioides fərdləri arasında genetik dəyişiklik (intrapopulyasiya fərqliliyi) çox azdır. Digər tərəfdən, bu genetik sürüşmə populyasiyalar arasında əhəmiyyətli fərqliliyə səbəb olur. Təsvir Pholcus phalangioides cinsi dimorfizmə malikdir, dişi fərdlər növün erkəklərindən bir qədər böyükdür. Bu növün bədən uzunluğu erkək və dişi fərdlər arasında dəyişir. Erkəklər təxminən 6-10 mm uzunluğunda olur, orta hesabla 6 mm-dir. Dişi fərdlər isə orta hesabla 7-8 mm uzunluğundadır. Ümumi adından da göründüyü kimi, bu hörümçəklər çox uzun və incə səkkiz ayağa malikdir və ayaqları incə, boz tüklərlə örtülüdür. Ayaqların uzunluğu orta hesabla hörümçəyin bədən uzunluğundan 5-6 dəfə uzundur. Yetkin dişi fərdin ayaqlarının orta uzunluğu təxminən 50 mm-dir. Yayılması və yaşayış yeri İnsanlarla birlikdə dünya üzrə yayıldığı üçün onun dəqiq yerli yayılma sahəsi ilə bağlı bəzi qeyri-müəyyənliklər var, lakin onun subtropik Afro-Avrasiya bölgəsindən gəldiyi və isti iqlimləri üstün tutduğu qəbul edilir. Son dövrlərdə bəzi mütəxəssislər onun yalnız Asiyaya məxsus olduğunu qəbul edirlər. Sinantropik növ olaraq, Pholcus phalangioides-in müasir coğrafi yayılması əsasən insanların dünya üzrə yayılması ilə müəyyən edilmişdir. Bu gün bu hörümçəklər dünyanın hər qitəsində tapıla bilər. Qidalanma P. phalangioides həşəratlar, digər hörümçəklər və kiçik onurğasız heyvanlarla qidalanan yırtıcılardır. Digər bir çox hörümçəkdən fərqli olaraq, bu hörümçəklər tez-tez öz torlarından kənara çıxaraq digər hörümçəklərin torlarında istirahət edən hörümçəkləri və ya onların yumurtalarını ovlayır. Qida çatışmazlığı zamanı həm erkək, həm də dişi fərdlər qidalanma ehtiyaclarını ödəmək üçün kannibalizmə müraciət edirlər.
https://animaldiversity.org/accounts/Pholcus_phalangioides/
https://srs.britishspiders.org.uk/portal.php/p/Summary/s/Pholcus+phalangioides
https://www.naturespot.org/species/daddy-long-legs-spider
https://srs.britishspiders.org.uk/portal.php/p/Notes+on/s/Pholcus+phalangioides
https://www.inaturalist.org/taxa/67328-Pholcus-phalangioides
https://australian.museum/learn/animals/spiders/daddy-long-legs-spider/
https://en.wikipedia.org/wiki/Pholcus_phalangioides
Tarix : 3 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
