Olav Hakonson Hauge (18 avqust 1908 – 23 may 1994) - Norveçli bağban, tərcüməçi və şair. O, xüsusilə şeir sahəsindəki töhfələri ilə tanınır. Həyatı Hauge Hordaland bölgəsindəki Ulvik kəndində anadan olub. Onun valideynləri Hakon Hauge (1877-1954) və Katrina Hakestad (1873-1975) fermer idilər. O, 1925-1926-cı illərdə Ulvikdə orta məktəbə gedib. Məktəbdə ingilis və alman dillərini öyrənib, sonra Fransız dilini özbaşına oxumaqla öyrənib. Hauge həyatını bağbanlıq və meyvə yetişdirilməsi sahəsinə həsr edib, bir neçə təhsil müəssisəsində təhsil alıb. Bunlara Hjeltnes Bağbanlıq Məktəbi (1927 və 1933–34-cü illərdə Ulvikdə), Norveç Kənd Təsərrüfatı Universiteti (1930) və Sogn og Fjordane bölgəsindəki Hermannsverk Dövlət Tədqiqat Mərkəzi (1931–1933) daxildir. O, həyatının böyük hissəsini Ulvikdə keçirib və öz alma bağında bağban olaraq çalışıb. Bağbanlıqla yanaşı, Hauge həm də yaxşı tanınan bir şair və tərcüməçi olub. Onun şeirləri təbiət və kənd həyatı ilə dərin əlaqəsini əks etdirir, sadəlik, təbii gözəllik və ekzistensial mövzular üzərində cəmlənir. Hauge, öz şeirlərini yaratmaqla yanaşı, beynəlxalq yönümlü idi və ən böyük şairlərin əsərlərini tərcümə etməyə həsr olunmuşdu. O, Alfred Tennyson, William Butler Yeats, Robert Browning, Stephane Mallarme, Arthur Rimbaud, Stephen Crane, Friedrich Hölderlin, Georg Trakl, Paul Celan, Bertolt Brecht və Robert Bly-in şeirlərini norveç dilinə tərcümə edib. Bundan əlavə, o, William Blake, Paul Celan, Gérard de Nerval və Emily Dickinson kimi həmkarlarına olan hörmətini öz şeirləri ilə ifadə edib. Haugenin əsərləri bir neçə şair tərəfindən ingilis dilinə tərcümə edilib. Şotlandiyalı şair Robin Fulton, 1990-cı ildə Olav Hauge: Selected Poems adlı tərcüməsini nəşr edib, amerikalı şair Robert Bly isə Trusting Your Life to Water and Eternity: Twenty Poems of Olav H. Hauge (1987) adlı tərcüməsini təqdim edib. 2001-ci ildə amerikalı müəllif Robert Hedin, The Bullfinch Rising from the Cherry Tree: Poems of Olav H. Hauge adlı tərcüməni nəşr etdirdi, sonra isə 2004-cü ildə Leaf-huts and Snow-houses kitabını çap etdi. Hedin və Bly 2008-ci ildə birlikdə The Dream We Carry: Selected and Last Poems of Olav H. Hauge adlı tərcüməni hazırladılar. Həmçinin, Haugənin Glor i oska əsərindəki sözlər, Solefald qrupu tərəfindən 2010-cu ildə çıxan Norron Livskunst albomundakı "Song til stormen" adlı mahnı üçün söz olaraq istifadə olunmuşdur. Şeir kitabları Glor i oska (Noregs boklag, 1946) Under bergfallet (Noregs boklag, 1951) – Qaya Altında Seint rodnar skog i djuvet (Noregs boklag, 1956) – Dərinlikdə Ağaçlar Yavaşca Qırmızılaşır Pa ornetuva (Noregs boklag, 1961) – Qartal Yastığında Dikt i utval: Dogg og dagar (redaktor: Ragnvald Skrede, Noregs boklag, 1965) Dropar i austavind (Noregs boklag, 1966) – Şərq küləyində Damcılar Spor vinden (Noregs boklag, 1971) – Küləyə Soruş Dikt i samling (Noregs boklag, 1972) Syn oss akeren din Jan Erik Vold tərəfindən seçilmişdir. Bokklubben, 1975 – Dikt i samling-dən Seçilmişlər Janglestra (Samlaget, 1980) – Yığmalar Regnbogane (1983) – Uşaq Kitabı, Wenche Oyen'in illüstrasiyaları ilə ABC (1986) – Uşaq Kitabı Mange ars roynsle med pil og boge (yazı, Samlaget, 1988) Brev 1970-1975 (Cappelen, 1996) Det er den draumen (Samlaget, 1998) – O Yuxudur Dagbok 1924-1994 (Samlaget, 2000) Skogen stend, men han skiftar sine tre. Aforismar i utval (Samlaget, 2001) – Meşə Duran, Amma Ağaclarını Dəyişir. Seçilmiş Aforizmlər Tərcümələr Utanlandske dikt (1967) Stephen Crane: Svarte ryttarar (1974) Bertolt Brecht: Til ettertidi (1978) Hand grip hand i svevne (1978) Dikt i umsetjing (1982) Fra Rimbaud til Celan (1991) Mükafatlar Kritikerprisen for Pa ornetuva – 1961 Sokneprest Alfred Andersson-Ryssts fond – 1968 Dobloug Prize – 1969 Sunnmorsprisen for Spør vinden – 1971 Melsom-prisen – 1973 Aschehougprisen – 1978 Nynorsk barnelitteraturpris for Regnbogane (Wenche Oyen ilə birgə) – 1983
https://www.poetryfoundation.org/poets/olav-h-hauge
https://hardangerfjord.com/en/attractions/the-olav-h-hauge-centre-969913
https://www.visitnorway.nl/bestemmingen-in-noorwegen/regio-west/hardangerfjord-regio/listings-hardanger-fjord/the-olav-h-hauge-centre/51639/
https://www.goodreads.com/author/show/616001.Olav_H_Hauge
https://www.ljodahatt.com/norwegian-poets/olav-hakonson-hauge/
https://norla.no/en/news/news-from-norla/poem-of-the-week-week-10-olav-h-hauge-the-river-girl
https://www.coppercanyonpress.org/authors/olav-h-hauge/
Tarix : 10 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
