Myrmelachista qarışqası - Formicinae yarımfəsiləsinə aid olan Neotropikal bir qarışqa nəsli. Bu nəsil yalnız Neotropikal regionda yayılmışdır. Onların biologiyası ilə bağlı məlumatlar olduqca məhduddur. Yaşayış yeri və yayılması Bu nəsil yalnız Neotropikal regionda mövcuddur və nəsilə daxil olan növlərin 41%-i Braziliyada tapılmışdır. Bu nəsilə aid qarışqalar əsasən ağaclar üzərində yaşayır və xüsusi olaraq gövdə boşluqlarında və budaqlar arasında yuva qururlar. Bu qarışqa növləri bəzi mirmekofit bitkilərlə və ya Coccidae və Pseudococcidae növləri ilə mürəkkəb qarşılıqlı əlaqələr qura bilərlər. Myrmelachista növlərinin biologiyası ilə bağlı məlumatlar az olsa da, məlumdur ki, bu növlər əsasən bitkilərin çiçək xaricindəki nektarları və heyvan mənşəli zülallarla qidalanır. Təsvir Myrmelachista növləri 9 və 10 buğumlu antennalara malikdir. 9 buğumlu antennalı Myrmelachista növləri əsasən Mərkəzi Amerika və Karib regionunda yayılmışdır (Cənubi Amerikada yalnız iki 9 buğumlu növ məlumdur), halbuki 10 buğumlu antennalı növlər əsasən Cənubi Amerikada tapılmışdır (Meksika və Mərkəzi Amerikada yalnız üç 10 buğumlu növ məlumdur). Myrmelachista qarışqalarının sürfələri uzunsov və adi görünüşlüdür, lakin yuvalarında sürfələri asmaq üçün bioloji funksiyaya malik ola biləcək bir neçə çıxıntılı tükə malikdirlər. Təsnifat Myrmelachista növlərinin təsnifatı olduqca mürəkkəb bir prosesdir, çünki eyni növə aid olan, lakin fərqli koloniyalardan gələn fərdlər arasındakı morfoloji fərqlər bəzən onların fərqli növlər kimi səhvən qiymətləndirilməsinə səbəb ola bilər.
https://www.antwiki.org/wiki/Myrmelachista
https://antontop.com/myrmelachista-hoffmanni/
https://www.antwiki.org/wiki/Myrmelachista_meganaranja
https://www.inaturalist.org/taxa/342842-Myrmelachista-schumanni
https://antontop.com/myrmelachista-chilensis/
https://english.cas.cn/newsroom/archive/research_archive/rp2010/201502/t20150217_141953.shtml
https://www.alexanderwild.com/Ants/Taxonomic-List-of-Ant-Genera/Myrmelachista
https://ants.biology.utah.edu/genera/myrmelachista/home.html
https://ontosight.ai/glossary/term/myrmelachista-sp-ec09-ant-species--679d9cd038099fda3cfc793a
https://pubmed.ncbi.nlm.nih.gov/19799500/
Tarix : 11 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
