Müqəddəs Olaf Kilsəsi (est. Oleviste kirik) - Estoniyanın paytaxtı Tallinndə yerləşir və 12-ci əsrdə inşa edildiyi güman edilir. 1219-cu ildə Danimarka Krallığının Tallin (Reval) şəhərini fəth etməsindən əvvəl bu kilsə köhnə Tallinndəki İskandinav icmasının mərkəzi olmuşdur. Kilsə Norveç kralı II Olafın (Müqəddəs Olaf kimi də tanınır, 995–1030) şərəfinə ithaf edilmişdir. Kilsə ilə bağlı ilk məlum yazılı məlumatlar 1267-ci ilə aiddir. Kilsə 14-cü əsrdə genişmiqyaslı şəkildə yenidən qurulmuşdur. Tarix Müqəddəs Olaf Kilsəsi əvvəlcə Roma-Katolik kilsəsi idi. Lakin Reformasiya dövründə yerli Lüteran ənənəsinin bir hissəsinə çevrildi. İkinci Dünya Müharibəsi nəticəsində kilsə aktiv icma qrupundan məhrum qaldı və Sovet işğal rejimi 1950-ci ildə binanı yerli Baptistlərə təhvil verdi. Baptist icması bu gün də Müqəddəs Olaf Kilsəsində toplaşır. 1944-cü ildən 1991-ci ilə qədər Sovet KQB-si Müqəddəs Olaf Kilsəsinin şpilini radio qülləsi və müşahidə məntəqəsi kimi istifadə edirdi. Əfsanə Bu binanın tikintisi ilə bağlı bir əfsanə mövcuddur: Tallin sakinləri dünyanın ən hündür kilsəsini tikmək istəyirdilər, lakin tikintini tamamlayan hər kəsin öləcəyinə dair bir lənət olduğu üçün heç kim bu işi görmək istəmirdi. Sonra yad bir adam peyda oldu və bu işi görmək üçün böyük bir məbləğ tələb etdi. Şəhər bu məbləği ödəyə bilmədiyi üçün yad adam onlara bir şərt qoydu: əgər onun adını tapa bilsələr, borcu bağışlayacaqdı. Bunun üçün Tallinlilər onun evinə casus göndərdilər və casus onun arvadının oxuduğu mahnıdan Olev adını eşitdi. Onlar yad adamın tikintini bitirməsini gözlədilər və o qülləyə xaç qoyarkən aşağıdan ona "Olev, xaç əyridir!" deyə qışqırdılar. O qorxudan yerə yıxıldı və ağzından qurbağa və ilan çıxdı ki, bu da onun cinlənmiş olduğunu göstərirdi. Bu fakt kilsənin bir tərəfindəki divar rəsminə əks olunub. Hündürlük 1590-cı ildə kilsə qülləsinin ümumi hündürlüyü 115,35–125 metr idi. Qüllə təxminən 10 dəfə ildırım vurması nəticəsində zərər görmüş və kilsə üç dəfə yanmışdır. Mənbələrdən birinə görə, bu kilsə 1549-cu ildən 1625-ci ilə qədər dünyanın ən hündür binası ola bilərdi. Bir neçə yenidənqurma işlərindən sonra onun şpili indi 123,8 metr hündürlüyə malikdir.
https://visitestonia.com/en/st-olaf-s-church-tower-and-observation-platform
https://visittallinn.ee/eng/visitor/see-do/things-to-do/attractions-museums/314/st-olav%E2%80%99s-church-and-viewing-platform
https://www.lonelyplanet.com/estonia/tallinn/old-town/attractions/st-olaf-s-church/a/poi-sig/1275608/1342792
https://visitestonia.com/en/st-olavs-church-and-viewing-platform
https://www.atlasobscura.com/places/saint-olaf-church
https://medievalheritage.eu/en/main-page/heritage/estonia/tallinn-st-olafs-church-oleviste-kirik/
https://religiana.com/st-olafs-church-tallinn
https://thirdeyetraveller.com/st-olaf-church-tallinn-tower-viewpoint/
https://en.wikipedia.org/wiki/St._Olaf%27s_Church,_Tallinn
Tarix : 13 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
