Müqəddəs Məryəmin göyə qaldırılması kafedralı (isp. Catedral de la Asunción de la Virgen) - Ümumiyyətlə Yeni Kafedral (isp. Catedral Nueva) kimi tanınır və Köhnə Kafedral ilə birlikdə İspaniyanın Kastiliya və Leon bölgəsindəki Salamanka şəhərinin iki kafedralından biridir. Salamanka yeparxiyasının mərkəzidir. 1533–1733-cü illər arasında inşa edilmiş və Geç Qotika, Plateresk və Barokko üslublarını qarışdırmışdır. Kastiliya V Ferdinandın əmri ilə tikilmişdir. İspaniyanın ən böyük kafedrallarından biridir və 92 metr hündürlüyündəki zəng qülləsi də ən hündür qüllələrdən biridir. Tarix Yeni Kafedral 1513–1733-cü illər arasında Köhnə Kafedralı qoruyaraq inşa edilmişdir. Əvvəlcə onu sökmək fikri irəli sürülsə də, yeni kafedralın tikintisi davam edərkən köhnə kilsəni möminlər üçün açıq saxlamaq qərarı verildi. 18-ci əsrdə tikinti işləri başa çatdıqdan sonra onu sökmək fikri yenidən nəzərdən keçirildi və bu səbəbdən Köhnə Kafedral bu günə qədər qorunub saxlanıldı. Bununla belə, Yeni Kafedralın cənub divarı Köhnə Kafedralın şimal divarına söykənir, bu da köhnə məbədin daxili hissəsində möhkəmləndirilməli oldu və yan nefi yeni tikinti ilə qismən azaldıldı. Yeni kafedralın qülləsi Köhnə Kafedralın zəng qülləsi üzərində inşa edilmişdir. Yeni kafedralın tikintisi fikri 15-ci əsrdə, xüsusilə Universitetin güclü cazibəsi səbəbilə şəhərin demoqrafik artımı nəticəsində ortaya çıxdı. Buna görə də Köhnə Kafedral o zamanlar "kiçik, qaranlıq və alçaq" görünürdü. Onlar Katolik Kral Ferdinandın (Araqon II Ferdinand) dəstəyinə malik idilər. Kral 1509-cu ildə Toledo və Sevilyada işləmiş memarlar Antón Egas və Alonso Rodriguezi Salamankaya yeni məbədin dizaynını hazırlamaq üçün göndərdi. Baş kilsə Baş Kilsədə düzbucaqlı plana malikdir və mərkəzi nefin digər hissələri ilə eyni dizayna malik ulduzvari tağla örtülmüşdür, lakin bucaqlı və rəngli olması ilə fərqlənir. Kilsədədə altar yoxdur, çünki Alberto de Çurriquera tərəfindən hazırlanmış və yalnız 11 il əvvəl tamamlanmış altar 1743-cü ildə sökülmüşdür. Onu Ventura Rodriguezin dizayn etdiyi mərmər bir tabernakl ilə əvəz etmək planlaşdırılırdı ki, bu da transeptdə günbəzin altında yerləşəcəkdi. Lakin layihə yüksək xərclər səbəbilə həyata keçirilə bilmədi. Kafedral Muzeyi, Román Bravo Riesko tərəfindən hazırlanmış onun bir modelini qoruyur. Daş divar üzərində tünd qırmızı rəngli bir pərdə və 1624-cü ildə Esteban de Rueda tərəfindən hazırlanmış və Antonio Qonsales tərəfindən rənglənmiş Müqəddəs Məryəmin Göyə Qaldırılması təsviri var. Ona müşayiət edən mələklər Fransisko Sançezin əsəridir.
https://www.olivierrobert.net/post/spain-the-new-cathedral-of-salamanca
https://www.spain.info/en/places-of-interest/cathedral-salamanca/
https://religiana.com/new-cathedral-salamanca
https://londontraveller.org/2023/11/06/the-new-cathedral-of-salamanca/
https://danperezphotography.com/2019/03/15/the-new-and-old-cathedral-of-salamanca-in-pictures/
https://www.turismocastillayleon.com/en/heritage-culture/cathedrals-salamanca
https://en.wikipedia.org/wiki/New_Cathedral_of_Salamanca
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
