Onze-Lieve-Vrouwetoren (niderlandca tələffüz: [ˌɔnzə ˌlivə ˈvrʌu.əˌtoːrə(n)]; "Müqəddəs Məryəm Qülləsi") - "Uzun Con" ləqəbi ilə də tanınır, Niderlandın Amersfoort şəhərində yerləşən bir kilsə qülləsi. Bu Geç Qotik üslublu tikinti 98,33 metr (322 fut 7 düym) hündürlüyündədir və şəhərin daxili hissəsindən yüksək qalxır. Şəhərin ən diqqətçəkən abidələrindən biridir və Niderlandın üçüncü ən hündür kilsə qülləsidir. Qülləyə aid olan kilsə 18-ci əsrdə barat partlayışı nəticəsində məhv edilmişdir. Tarix Bu yerdə ilk kilsəçə 14-cü əsrdə inşa edilmişdir. 15-ci əsrdə kilsəçə üç nefli yeni bir kilsə ilə əvəz edilmişdir. Qüllənin tam olaraq nə zaman tikildiyi məlum deyil. Tikinti təxminən 1444-cü ildə başlamış və 1470-ci ildə tamamlanmışdır. Tikinti ilə bağlı rəsmi sənədlər 1579-cu ildə Reformasiya zamanı protestantlar tərəfindən məhv edilmişdir. Kilsə və qüllə protestantların əlinə keçmiş və artıq katoliklərə məxsus deyildi. Kilsə ibadətdən başqa məqsədlər üçün də istifadə edilmişdir. O, sursat anbarı və mərmi istehsalı üçün laboratoriya kimi istifadə edilmişdir. 1986-cı ildə onun tarixi ilə bağlı bəzi araşdırmalar aparılmış və hazırkı meydanda kilsənin orijinal planını görmək mümkündür. Kilsənin şpili 1651-ci ildə və yenidən 1804-cü ildə yanmışdır. Qüllə 1912–1932, 1965–1970 və 1993–1996-cı illərdə bərpa edilmişdir.
https://www.onzelievevrouwetoren.nl/
https://www.onzelievevrouwetoren.nl/geschiedenis
https://www.atlasobscura.com/places/onze-lieve-vrouwetoren
https://www.vvvamersfoort.nl/nl/onze-lieve-vrouwetoren
https://www.tijdvooramersfoort.nl/nl/locaties/1081496055/onze-lieve-vrouwetoren
https://www.lonelyplanet.com/the-netherlands/amersfoort/attractions/onze-lieve-vrouwe-toren/a/poi-sig/1006142/1003904
https://en.wikipedia.org/wiki/Onze_Lieve_Vrouwetoren
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
