Müqəddəs Martin Kilsəsi - Bavariyanın Landshut şəhərində yerləşən orta əsr kilsəsi. Müqəddəs Martin Kilsəsi, Trausnitz qəsri və Landshuter Hochzeit (evlilik) mərasimi ilə birlikdə Landshutun ən mühüm mədəniyyət abidələri və tarixi hadisələrindəndir. Kərpic Qotika üslubunda inşa edilmiş bu bina, Bavariyanın ən hündür kilsə qülləsinə malikdir və bu qüllə eyni zamanda poladsız dəstək olmadan inşa edilmiş dünyanın ən hündür ikinci kərpic tikilisidir (Anaconda Smelter Stack-dan sonra). Müqəddəs Martin Kilsəsinin zəng qülləsinin hündürlüyü 130.6 metrdir (428 fut). Tarix 1204-cü ildə Bavariya hersoqu I Lüdviq (Kelheimer) Landshut şəhərini qurdu. O, Trausnitz qəsrini inşa etdi və hazırkı Müqəddəs Martin Kilsəsinin yerində kiçik bir kilsə tikdi. Bu tikili, 1389-cu ildə inşasına başlanan mövcud kilsə ilə əvəz olundu. Kilsənin tamamlanması təxminən 110 il çəkdi. Bu müddət ərzində beş memar tikinti sahəsini idarə etdi. Yalnız qüllənin inşası 55 il çəkdi. Kilsə nəhayət 1500-cü ildə təqdis edildi. Xüsusiyyətlər 1495-ci ilə aid xor dirəyi xaçının ümumi uzunluğu 8 metrdir (22 fut). Bu xaç, Qotika dövrünün ən böyük xaçlarından biridir. Bədən bir zoğal ağacı gövdəsindən hazırlanmışdır və uzunluğu 5.80 metr (16 fut), qol eni isə 5.40 metrdir (15 fut). Mixel Erhart tərəfindən hazırlanmış bu xaç 1495-ci ildə quraşdırılmışdır. Kilsədəki digər əhəmiyyətli sənət əsərləri arasında yüksək altar, tək bir daşdan hazırlanmış altıbucaqlı mimbər və Hans Leinberger tərəfindən yaradılmış "gül çələngi/zəng Məryəm" (təxminən 1520) heykəli daxildir. Bu heykəl, Leinbergerin ən mühüm sənət əsərlərindən biri hesab olunur. Tikinti və təmir işləri Kilsənin tikintisi 1389-cu ildə memar Hans von Burghausen rəhbərliyində başladı. Kilsənin tikintisinin dəqiq başlama tarixi məlum deyil, lakin onun tikintisi ilk dəfə 1392-ci ildə şəhər salnaməsində qeyd edilmişdir. Tikinti 1500-cü ildə tamamlandı. Kilsə kərpic və məhluldan inşa edilmişdir. Təməl üçün 5000 taxta dirək istifadə olunmuşdur. Dirəklər tamamilə yeraltı su səviyyəsində yerləşir ki, bu da bakteriyaların səbəb olduğu çürüməni ləngidir. 130.6 metr (428 fut) hündürlüyü ilə kilsə qülləsi dünyanın ən hündür kərpic tikilisi hesab olunur və Belçikadakı Müqəddəs Məryəm Kilsəsini 8.6 metr üstələyir. 2001-ci ildə Müqəddəs Martin Kilsəsi Papadan "kiçik bazilika" titulunu almışdır. Kilsə Qotika üslubunda inşa edilmişdir ki, bunu pəncərələrinin və tağlarının ucu biz şəklində olması nümayiş etdirir.

İstinadlar

https://religiana.com/st-martins-church-landshut

https://www.lonelyplanet.com/germany/landshut/attractions/st-martin-church/a/poi-sig/1141691/1316420

https://www.spottinghistory.com/view/5689/st-martins-church/

https://www.archinform.net/projekte/7633.htm

https://www.latlong.net/place/st-martin-s-church-landshut-germany-19227.html

https://www.epuzzle.info/en/puzzle/play/architecture/1096-landshut-panorama-with-st-martin-s-church-germany#10x6

https://www.hickerphoto.com/picture/st-martins-church-landshut-bavaria-48975.htm

https://en.wikipedia.org/wiki/St._Martin%27s_Church,_Landshut

Tarix : 13 fevral 2025