Mum çiçəkləri (Crowea) - Rutaceae (sitruskimilər) ailəsinə aid kiçik həmişəyaşıl kol cinsi. Bu cinsə üç növ, bir çox alt növ və kultivar daxildir ki, hamısı bol və cazibədar çiçəklərinə görə bəzək bitkisi kimi populyardır. Çiçəklər adətən payız və qış aylarında açılır. Crowea növlərinin hamısı Avstraliyaya xasdır və Viktoriya, Yeni Cənubi Uels və Qərbi Avstraliya bölgələrində yayılmışdır. Təsviri Təxminən 1,5 metr hündürlüyə qədər həmişəyaşıl kollar kimi tanınır. Yarpaqları sadə, tükcüksüzdür və digər Rutaceae (sitruskimilər) ailəsinin üzvlərində olduğu kimi, yağ vəzilərinə malik, aromatiktir. Çiçəklər yarpaqların qoltuq hissələrində tək-tək əmələ gəlir, çəhrayı rəngdə və ulduzşəkilli olur. Onlar beş ləçək, beş çanagvari yarpaq və yumurtalığın ətrafında iki halqa düzülmüş on erkəkcikdən ibarətdir. Crowea növləri Rutaceae ailəsinin digər üzvlərinə, xüsusilə Philotheca, Eriostemon və Boronia cinslərinə çox yaxındır və çiçəkləri oxşar görünüşə malikdir. Taksonomiyası Bu cins 1798-ci ildə James Edward Smith tərəfindən təsvir edilmiş və adlandırılmışdır. O, 16 yanvar 1807-ci ildə 56 yaşında vəfat edən, F.L.S. James Crowenin şərəfinə adlandırılmışdır. Bu şəxs Britaniyanın botanika sahəsində, xüsusilə Salix (söyüd) cinsində çox yaxşı biliklərə malik idi və bu cinsə xüsusi diqqət yetirərək, əldə edə bildiyi bütün növləri toplayıb yetişdirmişdir. İlk növ olan Crowea salignanın spesifik adı, Crowenin bu sahədəki xidmətlərini vurğulayır.
https://en.m.wikipedia.org/wiki/Crowea
http://anpsa.org.au/APOL18/jun00-5.html
http://www.anbg.gov.au/gnp/gnp3/crowea-exalata.html
http://www.tropicos.org/Name/40017001
https://books.google.com/books?id=AFwMAQAAMAAJ&dq=crowea+angustifolia&pg=PA264
https://biodiversity.org.au/nsl/services/apc-format/display/86846
https://nla.gov.au/nla.obj-166353901
Tarix : 6 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
