Mini Lop dovşanı - Amerika Dovşan Yetişdiriciləri Assosiasiyası (ARBA) tərəfindən tanınan ev dovşanı növü. Bu növ, Britaniya Dovşan Şurası (BRC) tərəfindən tanınan Miniature Lop növündən fərqlidir. (Böyük Britaniyada Miniature Lop qısaca "Mini Lop" adlanır.) ABŞ-dəki Mini Lop və Böyük Britaniyadakı Miniature Lop, BRK tərəfindən tanınan (lakin ARBA tərəfindən tanınmayan) Dwarf Lop növündən də fərqlidir. Mini Lop, Dwarf dovşan kimi bir neçə kiçik dovşan növünə bənzəyir. Tarix Mini Lop növü 1972-ci ildə Almaniyanın Essen şəhərində keçirilən Alman Milli Dovşan Şousunda Bob Herschbach tərəfindən kəşf edilmişdir. O zaman bu növ "Klein Widder" adı ilə tanınırdı. İlk Mini Loplar, Alman Big Lop və kiçik Çinçilla növlərindən yaranmışdır. Bu növlər əvvəlcə Agouti və ağ rənglərdə olurdu. Alman lopları təxminən 8 funt (3,6 kq) çəkidə, incə, iri və qalın qulaqlara malik idi. Mini Lopun təbliğatçısı olan Herschbach, 1972-ci ildə əsasən bir Agouti lop cütü və ağ dişi lop cütləşdirməklə ABŞ-də ilk Mini Lop nəslinin yaranmasını təmin etdi. Onların ilk bala lopları tək rəngli idi. İkinci nəsil isə qırıq rəngli oldu. Nəticədə, yetişdirilmə prosesi sayəsində yüksək keyfiyyətli Mini Loplar əldə edildi. Mini lopların nümayişi İdeal Mini Lop, "başı olan basketbol topu" kimi təsvir olunur. Münsiflər yuvarlaq bədənli, qalın dərinlikli, uzun və qalın qulaqlı, geniş başlı və qalın sümüklü dovşanları qiymətləndirirlər. Rənglər Mini Loplar nümayiş edilərkən rənglər iki kateqoriyaya bölünür: Tək rənglilər və qırıq rənglilər. Bu növdə bir çox rəng mövcuddur, lakin yalnız müəyyən rənglər qəbul edilir. Bəzi rənglər bunlardır: Çinçilla, opal, qara, ağ, qırmızı gözlü ağ, mavi gözlü ağ, mavi, şokolad, bənövşəyi, narıncı.

İstinadlar

https://www.petmd.com/rabbit/breeds/mini-lop

https://www.webmd.com/pets/what-to-know-about-mini-lop-rabbit

https://everbreed.com/blog/the-ultimate-guide-to-mini-lop-rabbits/

https://minilopscotland.co.uk/mini-lop-history

https://www.weknowpets.com.au/blogs/news/mini-lop-rabbits-a-comprehensive-guide-to-caring-for-them?srsltid=AfmBOopyUp79RrYDFKHc7QDpROzSikSXDoBnKdO87tujhWnwxuUqXK79

https://lafeber.com/mammals/mini-lop-rabbit-breed/?srsltid=AfmBOop9ZZMOKEm4hUPbh_zhNyN-q2LQ9uuGeZpc99w-oF7wN3MX4NiO

https://en.wikipedia.org/wiki/Mini_Lop

Tarix : 19 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.