Megachile sculpturalis (nəhəng qatran arısı və heykəltəraş qatran arısı kimi tanınır) - Megachilidae ailəsinə aid olan bir yarpaqkəsən arı növü. Yayılması Yaponiyaya və Çinə məxsus olan bu növ son dövrlərdə Şərqi ABŞ və Ontario, Kanadaya gətirilmişdir. ABŞ-da ilk dəfə 1990-cı illərin əvvəllərində qeydə alınmış və hazırda Missisipi çayının şərqindəki əksər ştatlarda rast gəlinir. 2009-cu ildə Avropaya da gətirilmişdir. Təsvir Megachile sculpturalis erkəklərində bədən uzunluğu təxminən 19–22 mm, dişilər isə adətən erkəklərdən böyük olub 21–25 mm arasında dəyişir. O, digər yarpaqkəsən arılardan xeyli böyükdür. Bədəni silindrik formadadır, çənələri iri, qanadları şəffafdır və qəhvəyi rəngdə olub uclarına doğru qaralır. Başı və qarnı əsasən qara rəngdədir, qarın hissəsi parlaq və tüksüzdür, döş qəfəsi isə sıx sarımtıl-qəhvəyi tüklərlə örtülüdür. Erkəklərdə qarın hissəsi kəsik və kvadrat formasında, dişilərdə isə daha çox itilənmiş və uclu olur. Dişi fərdlərdə dörd dişli alt çənə mövcuddur. Yaşayış mühiti ABŞ-da bu qatran arılarına Xylocopa cinsinə aid arıların yuvalarında, əsasən qapılar, eyvanlar və taxta tikililər ətrafında rast gəlinir. Biologiyası Yetkin fərdlərə iyun-sentyabr aylarında rast gəlinir. Bu tək yaşayan arılar yayda mövcud olan taxta quruluşların içindəki kiçik yarıqlarda və ya dülgər arılarının istifadə etdiyi boşluqlarda yuvalar qurur, lakin taxtanı deşmirlər. Hər bir yuva kamerasını taxta hissəcikləri və palçıqla düzəldirlər. Hər kameraya qarın nahiyəsindəki tüklərin altında daşıdıqları polen yerləşdirir və sonra hər kameraya bir yumurta qoyurlar. Dişi fərdlər iri çənələrindən istifadə edərək qatran toplayır və bununla yuva hüceyrələrini bağlayırlar (bu səbəbdən qatran arısı adlandırılır). Sürfələr qış boyunca hüceyrələrin içində polenlə qidalanır. Yazda pupaya çevrilərək yay aylarının əvvəlində yetkin fərd kimi ortaya çıxırlar.
https://www.nature.com/articles/s41597-025-04385-2
https://entnemdept.ufl.edu/creatures/MISC/BEES/Giant_resin.html
https://www.izsvenezie.it/wp-content/uploads/2020/07/ape-megachile-sculpturalis-articolo.pdf
https://www.natura.museum/wp-content/uploads/2020/05/Guariento_Megachile.pdf
https://www.nonnativespecies.org/assets/Uploads/Megachile_sculpturalis_giant_resin_bee_RRA.pdf
https://www.inaturalist.org/taxa/52785-Megachile-sculpturalis
https://www.gbif.org/species/1335213
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
