Maviqulaq barbet ("Psilopogon cyanotis") - "Megalaimidae" ailəsinə aid olan və Cənub-Şərqi Asiyanın materik hissəsində yayılmış bir barbet növü. Geniş yayılması və sabit populyasiyası səbəbiylə "Beynəlxalq Təbiəti Mühafizə İttifaqı"nın (IUCN) Qırmızı Siyahısında "az riskli" kimi qiymətləndirilir. Təsvir Maviqulaq barbetin lələkləri yaşıldır və yanaqlarında qırmızı ləkələr var. Boğazı və qulaq örtükləri mavi rəngdədir. Boğaz və sinə arasında qara zolaq uzanır. Uzunluğu 16-17 sm-dir. Bu, qısa boyun, böyük baş və qısa quyruğu olan yumru bir quşdur. Dimdiyi tünd rəngdədir. Yetkin erkəyin alnı qaradır. Dişinin baş naxışı daha solğundur və qulaq örtüklərinin üstündə və altında olan ləkələr daha narıncı çalarlıdır. Cavan fərdlərin başı yaşıldır, qulaq örtükləri və boğazında bir qədər mavi rəng var. Erkəyin ərazi çağırışı təkrarlanan yüksək "ko-turr" səsidir. Digər çağırışlara "polis fiti" adlanan fit daxildir. Yayılması və yaşayış yeri Maviqulaq barbet şərqi Nepal, şimal-şərqi Hindistan, cənubi Tailand və Hind-Çinə qədər olan təpəliklərdə yaşayan və çoxalan bir quşdur. 1,600 metr yüksəkliyə qədər olan kolluqlar və meşələrdə yaşayır. Ağac deşiklərində yuva qurur. Taksonomiya "Bucco cyanotis" elmi adı 1847-ci ildə Eduard Blyth tərəfindən təqdim edilmişdir. O, Arakan bölgəsindən olan bir barbeti təsvir etmişdir. 19-cu və 20-ci əsrlərdə Asiya barbet növləri üçün təxminən 19 cins adı təqdim edilmişdir, o cümlədən 1836-cı ildə Salomon Müller tərəfindən "Psilopogon", 1849-cu ildə Corc Robert Qrey tərəfindən "Megalaima" və 1889-cu ildə Corc Ernest Şelli tərəfindən "Mezobucco". Təsnifatçılar, təbii tarix muzeylərinin kolleksiyalarında, barbetləri təsvir edərkən fərqli cins adlarından istifadə edirdilər. "Mesobucco duvaugli orientalis" 1915-ci ildə Herbert C. Robinson tərəfindən təqdim edilmişdir. O, Tailand-Kamboca sərhədinin sahilində və Ko Çanq adasında toplanmış yeddi barbeti təsvir etmişdir. Bu barbetlər "cyanotis" barbetlərindən fərqlənirdi: daha böyük və açıq rəngli idilər, gözlərinin altındakı qırmızı ləkələr qızılı ilə qarışıq idi. 2014-cü ildən etibarən üç maviqulaq barbet yarımnövü etibarlı takson kimi tanınır: -"P. c. cyanotis" – şərqi Nepal, Banqladeş və şimal-şərqi Hindistandan Myanmara, şimal Tailand və cənubi Çinə qədər. -"P. c. orientalis" – şərqi Tailanddan Kamboca, Laos və Vyetnama qədər. -"P. c. stuarti" (Robinson & Kloss, 1919) – Tailand yarımadası.
https://ebird.org/species/buebar1
https://en.wikipedia.org/wiki/Blue-eared_barbet
https://datazone.birdlife.org/species/factsheet/blue-eared-barbet-psilopogon-cyanotis
https://www.thainationalparks.com/species/blue-eared-barbet
https://birdsoftheworld.org/bow/species/buebar1/cur/introduction
https://avibase.bsc-eoc.org/species.jsp?avibaseid=E3ADA3B1DD1D691C
https://birdsoftheworld.org/bow/species/buebar1/cur/introduction?printable
https://app.birda.org/species-guide/11272/Blue-eared_Barbet
https://observation.org/species/1188369/
https://www.birdforum.net/opus/Blue-eared_Barbet
Tarix : 14 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
