Maviqanadlı raketquyruq (Prioniturus verticalis) və ya Sulu raketquyruğu,-"Psittaculidae" fəsiləsinə aid olan bir tutuquşu növü. Ümumi məlumat Bu növ, Filippinlərin Tavi-Tavi adasına endemikdir və dünyanın ən təhlükə altında olan tutuquşularından biridir. Yaşayış mühitinin itməsi və qəfəs quşu ticarəti üçün qanunsuz ovlanma təhlükəsi ilə üzləşir. Təsvir və taksonomiya Bu növün əsasən bel hissəsi tünd yaşıl, döş və qarın hissəsi zeytun/yaşıl rəngdədir. Erkək fərdlərin alnında və başının ön hissəsində açıq mavi rəng və kiçik qırmızı ləkə var. Dişi fərdlər erkəklərə bənzəyir, lakin başlarının ön hissəsində qırmızı ləkə yoxdur. Əsas lələklərin xarici hissəsi mavi, orta quyruq lələkləri yaşıldır. Raket lələkləri qara rəngdədir və mavi çaları var. Yan quyruq lələkləri yaşıl rəngdədir və qara ucludur. Dimdiyi mavi-boz rəngdədir. Ən çox dağ raketquyruğuna bənzəyir, lakin alın, başın yan tərəfləri və boyun arxası yaşıldır. Dişilərin üzlərində dağ raketquyruğuna nisbətən daha az mavi rəng var. Ekologiya və davranış Sulu arxipelaqında təhlükəsizlik vəziyyəti tədqiqatçıların bu quşu araşdırmasının qarşısını alıb. Digər raketquyruqlar kimi meyvə, xüsusilə banan, çiçək və yetişən qarğıdalı və düyü toxumları ilə qidalandığı güman edilir. Çoxalma mövsümünün sentyabrdan yanvara qədər olduğu düşünülür. Digər tutuquşular kimi, o da ağac oyuqlarında yuva qurur. Bir yuva meşənin yanındakı palma ağacları arasında böyük bir qırıq palma ağacında qeydə alınıb. Yaşayış mühiti və qorunma statusu Təbii yaşayış mühiti tropik rütubətli düzənlik meşələri və subtropik və ya tropik manqrov meşələridir. Hazırda "Beynəlxalq Təbiəti Mühafizə İttifaqı"nın (IUCN) Qırmızı Siyahısına görə "Kritik Təhlükə Altında" kimi qiymətləndirilib və populyasiya təxminən 50-249 yetkin fərddən ibarətdir. Əsas təhlükələr yaşayış mühitinin itməsi və ovlanmadır. Bir zamanlar Sulu arxipelaqının bütün adalarında geniş yayılmış maviqanadlı raketquyruq, son 200 il ərzində yaşayış mühitinin sürətlə məhv edilməsi səbəbindən indi yalnız Tavi-Tavi adasının təcrid olunmuş yerlərində tapılır.
https://en.wikipedia.org/wiki/Blue-winged_racket-tail
https://www.inaturalist.org/taxa/18953-Prioniturus-verticalis
https://xeno-canto.org/species/Prioniturus-verticalis
https://datazone.birdlife.org/species/factsheet/sulu-racquet-tail-prioniturus-verticalis
https://www.parrots.org/encyclopedia/blue-winged-racquet-tailed-parrot
https://avibase.bsc-eoc.org/species.jsp?avibaseid=003D8AAD58715F30
https://birdsoftheworld.org/bow/species/bwrtai1/cur/introduction
https://animalia.bio/blue-winged-racket-tail
https://dibird.com/species/blue-winged-racket-tail/
https://www.oiseaux.net/birds/blue-winged.racket-tail.html
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
