Mavi taclı qarğa quşu və ya Courtoisin qarğa quşu (Pterorhinus courtoisi)- "Leiothrichidae" fəsiləsinə aid olan bir quş növü. Ümumi məlumat Hazırda yalnız Çinin Jiangxi əyalətində tapılır. Təhlükə altında olan bu növ, yaxın zamana qədər ümumiyyətlə sarıboğaz qarğa quşunun yarımnövü kimi qəbul edilirdi, lakin sarıboğaz qarğa quşunun tacı açıq boz (mavi deyil) rəngdədir. Taksonomiya Mavi taclı qarğa quşu əvvəllər "Garrulax" cinsinə aid edilsə də, 2018-ci ildə aparılmış genişmiqyaslı molekulyar filogenetik tədqiqatdan sonra bərpa edilmiş "Pterorhinus" cinsinə köçürüldü. Növün xüsusi adı, Çində fəaliyyət göstərmiş fransız missioner Frederic Courtois (1860–1928) şərəfinə verilmişdir. Nominativ yarımnöv yalnız 2000-ci ildə Jiangxi əyalətinin Wuyuan qəzasında yenidən kəşf edilmişdir, lakin təxminən 200 fərdlik çox az bir populyasiya ilə çox nadir bir növ olaraq qalır. "G. courtoisi simaoensis" yarımnövü isə 1956-cı ildə Yunnan əyalətinin Simao bölgəsində nümunələr toplandıqdan sonra vəhşi təbiətdə bir daha rast gəlinməmişdir. 100-dən çox mavi taclı qarğa quşu zooparklarda (qapalı yetişdirmə proqramının bir hissəsi kimi) və şəxsi quşçuluq təsərrüfatlarında saxlanılır, lakin onların hansı yarımnövə aid olduğu müəyyən deyil. Son tədqiqatlar iki ayrı yarımnövün fərqləndirilməsini dəstəkləməmişdir, nəticədə "simaoensis" yarımnövü "Handbook of the Birds of the World" əsərində nominativ yarımnövün sinonimi kimi qəbul edilmişdir. Status Bu quş, 2006-cı il "IUCN Qırmızı Siyahısı"nda səhvən ən az riskli növ kimi siyahıya alınmışdır. Əslində isə, ən azından vəhşi təbiətdə, nəslinin kəsilməsinə yaxın olduğu üçün 2007-ci il "Qırmızı Siyahı"sında vəziyyəti "kritik təhlükə altında" olaraq düzəldilmişdir.
https://en.wikipedia.org/wiki/Blue-crowned_laughingthrush
https://ebird.org/species/buclau1
https://datazone.birdlife.org/species/factsheet/blue-crowned-laughingthrush-pterorhinus-courtoisi
https://www.waza.org/priorities/conservation/conservation-breeding-programmes/global-species-management-plans/blue-crowned-laughingthrush/
https://www.inaturalist.org/taxa/1289407-Pterorhinus-courtoisi
https://xeno-canto.org/species/Pterorhinus-courtoisi
https://www.marwell.org.uk/animals/blue-crowned-laughing-thrush/
https://birdsoftheworld.org/bow/species/buclau1/cur/introduction
https://www.riverbanks.org/animals/birds/blue-crowned-laughingthrush
https://www.oceanpark.com.hk/en/education-conservation/conservation/animal-and-plant-guide/blue-crowned-laughingthrush
Tarix : 14 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
