Mavi-tac tutuquşu ("Thectocercus acuticaudatus") - Həmçinin mavi-tac konur və ya itiquyruq konur kimi tanınan, Cənubi Amerikanın böyük hissələrində, şərqi Kolumbiyadan, Karib hövzəsinin cənubundakı Kurasao adasına və Argentinanın şimal regionuna qədər yayılmış, kiçik yaşıl Neotropik tutuquşu növü. Onlar savanna tipli yaşayış yerlərində, meşəlik və meşə kənarlarında yaşayır, lakin Amazon kimi sıx rütubətli meşələrdən qaçır. Bu növ rəsmi olaraq "Amerika Ornitoloji İttifaqı" (AOU) və quş müşahidəçiləri tərəfindən "parakeet" adlandırılsa da, quşçuluqda adətən "konur" adlanır. Taksonomiya -"Thectocercus acuticaudatus" monotipik "Thectocercus" cinsinin yeganə növüdür, lakin bu növün beş yarımnövü var: -"Thectocercus acuticaudatus acuticaudatus" (Viyo, 1818) -"Thectocercus acuticaudatus haemorrhous" (Şpiks, 1824) -"Thectocercus acuticaudatus koenigi" (Arndt, 1995) -"Thectocercus acuticaudatus neoxenus" (Kori, 1909) -"Thectocercus acuticaudatus neumanni" (Bleyk və Traylor, 1947) Əvvəllər bu növ "Aratinga" cinsinə daxil edilsə də, müxtəlif filogenetik tədqiqatlar göstərdi ki, ənənəvi şəkildə təyin edilmiş bu cins, polifiletikdir və dörd fərqli cinsə bölünüb. Təsvir Mavi-tac tutuquşu orta ölçülü bir quşdur, təxminən 37 sm uzunluğunda və 140-190 qram çəkiyə malikdir. Mavi-taclar baş ətrafında qırmızı rənglə doğulur, lakin əsasən yaşıldır, nominativ yarımnövdə alın, tac, yanaq və qulaqlarda tünd mavi rəng var, digər yarımnövlərdə isə daha az mavi rəng mövcuddur. Hər bir gözün ətrafında ağ lələksiz dəri halqası var, lakin vəhşi "T. acuticaudata neumanni" yarımnövündə bu halqa, parlaq narıncı-sarı rəngdədir. Sinə lələkləri də mavi çalarlı ola bilər, lakin adətən yaşıl və ya sarımtıl-yaşıldır. Qapalı qanadların rəngi, bədənin rənginə uyğundur, açıq qanadlar isə mavi-qəhvəyi rəngdədir və xarici uçuş lələklərində şabalıdı rəng alır. Quyruq lələkləri üstdən yaşıl, altdan tünd qırmızı-qəhvəyi rəngdədir və tam spektr işığı altında parlaq narıncı və qırmızı rənglərə çalır. Ayaqları çəhrayı-qəhvəyi rəngdədir və boz-qəhvəyi dırnaqları var. Üst çənə buğu rəngindədir və iynə kimi iti, boz-qara uca qədər incəlir. Cənub və qərb nominativ və "neumanni" yarımnövlərində cavan fərdlərin alt çənəsi buğu rəngindədir və quşun ikinci ilinə qədər boz-qaraya çevrilir. Qalan şərq, mərkəz və şimal yarımnövləri isə alt çənəni yetkinlikdə də buğu rəngində saxlayır. Çoxalma Mavi-tac tutuquşunun yuvası ağacda bir deşikdir. Yumurtalar ağ rəngdədir və adətən bir dəfəyə 3-4 yumurta qoyulur. Dişi yumurtaları 26 gün inkubasiya edir və balalar yumurtadan çıxdıqdan təxminən 52 gün sonra yuvanı tərk edir. Quşçuluq Mavi-tac tutuquşları, quşçuluqda adətən mavi-tac konur adlanır. Onlar sosial quşlardır və digər konurlarla müqayisədə nisbətən yaxşı danışırlar. Onlar ev heyvanı kimi olduqca məşhurlaşıb və qulluq etmək üçün "daha asan" tutuquşularından biri kimi tanınır. Lakin onlar həm də, zəka və yüksək enerji tələb edən quşlardır, çox diqqət və geniş bir qəfəs tələb edirlər. Həmçinin, bəzən olduqca səs-küylü ola bilərlər. Nəticə etibarilə, onlar daha çox ciddi quş həvəskarları üçün uyğundur. Mədəniyyətdə Danışan mavi-tac konur "Paulie" ailə filmində baş rol oynayıb. Filmdə "Paulie" personajını 14 fərqli quş canlandırıb.
https://en.wikipedia.org/wiki/Blue-crowned_parakeet
https://ebird.org/species/bucpar
https://www.audubon.org/field-guide/bird/blue-crowned-parakeet
https://avibase.bsc-eoc.org/species.jsp?avibaseid=4BE8E5F1B316CC94
https://www.inaturalist.org/taxa/19189-Aratinga-acuticaudata
https://xeno-canto.org/species/Thectocercus-acuticaudatus
https://www.parrots.org/encyclopedia/blue-crowned-conure
https://www.oiseaux-birds.com/card-blue-crowned-conure.html
https://lafeber.com/pet-birds/species/blue-crowned-conure/?srsltid=AfmBOooxF6_iqyERTCzh-USjEjkmw3hjVsXjTDTyIFmDn9E0pH3JzcT5
https://www.californiaparrotproject.org/blue_crowned_parakeet.html
Tarix : 14 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
