Mavi-tac raketquyruq ("Prioniturus discurus")-Filippinə endemik olan bir tutuquşu növü. Ümumi məlumat 27 sm uzunluğunda olan bu quş, əsasən yaşıldır, mavi tacı, mavi altquyruğu, ağdimdiyi və tünd altqanadları var. Əvvəllər Mindoro raketquyruğu və Mavi-başlıq raketquyruğu ilə eyni növ kimi qəbul edilsə də, sonradan molekulyar tədqiqatlar nəticəsində fərqli bir növ olduğu sübut edilmişdir. Təsvir və taksonomiya "EBird" bu quşu belə təsvir edir: "Düzənlikdən dağətəyi ərazilərə qədər olan meşələrdə yaşayan, orta ölçülü bir tutuquşu. İki mərkəzi quyruq lələyinin uzadılmış şaftları, raket formasında bitir. Ümumi rəngi yaşıldır, arxası daha tünd, alt hissələri daha açıqdır, başı daha tünd yaşıl və mavi tacı var. Mindanao raketquyruğu ilə üst-üstə düşür, lakin daha parlaq yaşıl arxası var, yanaqlarında mavi rəng yoxdur və daha aşağı yüksəkliklərdə tapılır. Səsi metalik cırıltılı səslərdən ibarətdir, yaşıl raketquyruğun səsinə bənzəyir, lakin daha kobuddur." Əvvəllər Mindoro raketquyruğu və Mavi-başlıq raketquyruğu ilə eyni növ kimi qəbul edilsə də, molekulyar tədqiqatlar nəticəsində, fərqli bir növ olduğu sübut edilmişdir və başında mavi rəngin miqdarı və yerləşməsi ilə fərqlənir. Yarımnövlər -"P. d. discurus" – Mindanao (və yaxın adalar), Jolo və Basilanda tapılır; göz ətrafı, yanaqlar, boğaz və sinə açıq zeytun-boz rəngdədir. -"P. d. whiteheadi" – Cənubi Lüsonda və Katanduanes, Tablas, Sibuyan, Masbate, Tikao, Panay, Guimaras, Negros, Sebu, Bohol, Biliran, Samar və Leytedə tapılır; tacında daha az mavi rəng var. Bu yarımnövlər iki fərqli növü təmsil edə bilər və xüsusilə Samar və Leyte populyasiyalarının ara form olduğu düşünüldüyü üçün, taksonomiyasını daha yaxşı başa düşmək üçün, əlavə tədqiqatlar tələb olunur. Ekologiya və davranış Qidası haqqında az məlumat var, lakin banan və əncir ilə qidalandığı məlumdur. 12 quşa qədər kiçik sürülər əmələ gətirir. Çoxalma avqust-sentyabr aylarında baş verir. Onlar ağac deşiklərində yuva qurur, köhnə ağacdələn yuvalarından istifadə edir və hündür canlı ağaclarda yuva koloniyaları yaradır. Bir dəfəyə adətən üç yumurta qoyur. Yaşayış yeri və qorunma statusu Bu növün yaşayış yeri əsasən 1,750 metrə qədər olan birincil və ikincil meşələrdir, lakin çoxu 1,500 metrdən aşağıda tapılır, çünki daha yüksəkliklərdə dağ raketquyruğu və Mindanao raketquyruğu ilə əvəz olunur. Həmçinin manqrov meşələrini, bağları ziyarət edir və banan plantasiyalarında qidalanır. "Beynəlxalq Təbiəti Mühafizə İttifaqı" (IUCN) bu quşu "az riskli" kimi qiymətləndirib və populyasiyanın sabit olduğu düşünülür – bu, bu statusa malik olan yeganə raketquyruq növüdür. Yaşayış yerlərinin itirilməsinə daha tolerant görünür və yerli miqyasda çoxsaylı qalır. Lakin Filippində meşələrin qırılması kənd təsərrüfatı, mədənçilik, qanunsuz meşə qırılması və yaşayış yerlərinin çevrilməsi səbəbindən davam edir. Bu növ hələ də ev heyvanı ticarəti üçün tutulur. Bu növ, "Bikol Təbii Parkı", "Pasonanca Təbii Parkı", "Raja Sikatuna Mühafizə Olunan Landşaftı", "Şimali Negros Təbii Parkı", "Samar Adası Təbii Parkı" kimi bir çox qorunan ərazidə tapılır, lakin Filippindəki bütün ərazilərdə olduğu kimi, qorunma zəifdir və meşələrin qırılması davam edir.
https://en.wikipedia.org/wiki/Blue-crowned_racket-tail
https://ebird.org/species/bcrtai1
https://www.parrots.org/encyclopedia/blue-crowned-racquet-tailed-parrot
https://datazone.birdlife.org/species/factsheet/blue-crowned-racquet-tail-prioniturus-discurus
https://avibase.bsc-eoc.org/species.jsp?avibaseid=5B2086A6B87F95AB
https://xeno-canto.org/species/prioniturus-discurus
https://www.inaturalist.org/taxa/18960-Prioniturus-discurus
https://animalia.bio/blue-crowned-racket-tail#google_vignette
https://www.oiseaux.net/birds/blue-crowned.racket-tail.html
https://dibird.com/species/blue-crowned-racket-tail/
Tarix : 14 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
