Mavi milçəkqapan (Eutrichomyias rowleyi) - Parlaq mavi lələk örtüyü, ağ çılpaq göz halqası, tünd qəhvəyi göz rəngi, mavi-qara dimdiyi və açıq mavi-boz alt hissələri olan orta ölçülü (18 sm-ə qədər) ötücü quş növü. Cavan fərdlərin quyruğu daha qısadır və alt hissələri boz rəngdədir. Bu növ, monotipik "Eutrichomyias" cinsinin yeganə üzvüdür. Bənzətməsinə baxmayaraq, əslində fantail quşları ilə qohumdur. Taksonomiya və sistematika Elmi adı, britaniyalı tədqiqatçı və ornitoloq Corc Dawson Roulin şərəfinə verilmişdir. Mavi milçəkqapan əvvəllər "Zeocephus" cinsində təsvir edilmişdir və yaxın zamana qədər "mavi cənnət milçəkqapanı" kimi tanınırdı. Digər adları arasında "Rowley milçəkqapanı" və "Rowley cənnət milçəkqapanı" daxildir. İlk olaraq "Monarchidae" fəsiləsinə daxil edilsə də, 2017-ci ildə aparılan bir araşdırmada tip nümunənin DNT-nin ardıcıllığının təhlili nəticəsində bu növün fantail quşları ailəsi olan "Rhipiduridae"-yə aid olduğu müəyyən edilmişdir. Bu növ, "Lamproliinae" yarımfəsiləsinə (bəzən ayrı bir fəsilə kimi qəbul edilir) daxil edilir və "Chaetorhynchus" və "Lamprolia" ilə birlikdə təsnif edilir. Bu tapıntı Beynəlxalq Ornitoloji Komitə (IOC) tərəfindən qəbul edilmiş və növün adı "mavi cənnət milçəkqapanı"ndan sadəcə "mavi milçəkqapan" olaraq dəyişdirilmişdir. Yayılması və yaşayış yeri Mavi milçəkqapan İndoneziyanın Şimali Sulavesi yaxınlığındakı, Sanqihə adasına endemikdir. Əvvəllər yalnız 1873-cü ildə toplanmış bir nümunə ilə məlum olan bu nadir quş, 1998-ci ilin oktyabr ayında Sanqihənin cənubundakı Sahendaruman Dağının meşəli vadilərində yenidən kəşf edilmişdir. Qidalanma Onun qidası əsasən həşəratlar və digər kiçik onurğasızlar daxildir. Təhlükələr Davam edən yaşayış mühitinin itirilməsi, kiçik populyasiya ölçüsü və məhdud yayılma sahəsi səbəbindən mavi milçəkqapan "Beynəlxalq Təbiəti Qoruma İttifaqı"nın (IUCN) “Təhlükədə Olan Növlərin Qırmızı Siyahısı”nda "Kritik Təhlükə Altında" kimi qiymətləndirilmişdir.
https://en.wikipedia.org/wiki/Cerulean_flycatcher
https://animalia.bio/index.php/cerulean-paradise-flycatcher
https://xeno-canto.org/species/Eutrichomyias-rowleyi
https://birdsoftheworld.org/bow/species/cepfly1/cur/introduction
https://xeno-canto.org/species/Eutrichomyias-rowleyi?dir=0&order=rec&view=1
https://animaldiversity.org/accounts/Eutrichomyias_rowleyi/classification/
https://www.birdforum.net/opus/Cerulean_Flycatcher
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
