Mavi-döş balıqcıl (Halcyon malimbica)-Ekvatorial Afrika üzrə geniş yayılmış bir ağac balıqcılı növü. Bu balıqcıl əsasən yerli quşdur, lakin quraq mövsümdə quru savanna ərazilərindən daha rütubətli yaşayış mühitlərinə doğru geri çəkilir. Təsvir Bu, 25 sm uzunluğunda böyük bir balıqcıl növüdür. Yetkin fərdlərin parlaq göy başı, arxası, qanad hissəsi və quyruğu var. Alt hissələri ağdır, lakin göy rəngli döş zolağına malikdir. Çiyin hissələri qaradır. Mavi-döş balıqcılın uçuşu sürətli və düz xətlidir. Böyük dimdiyinin üst çənəsi qırmızı, alt çənəsi isə qaradır. Ayaqları parlaq qırmızı rəngdədir. Cinslər oxşardır, lakin cavan fərdlər yetkinlərdən daha solğun rənglidir. Yaşayış yeri Mavi-döş balıqcıl, müxtəlif yaxşı meşəli yaşayış mühitlərində rast gəlinən bir növdür. Qidalanma O, qidalanarkən dərin kölgəli yerlərdə sakitcə oturur. Əraziyə bağlıdır, lakin ehtiyatlıdır. Bu növ əsasən böyük həşəratlar, buğumayaqlılar, balıqlar və qurbağalarla qidalanır, həmçinin "Yağ Palması"nın meyvəsini də yeyir. Çoxalma Onun cəlbedici bir nümayişi var: qanadlarını açaraq, ağ rəngli daxili hissələrini göstərir. Yuva, ağac termiti yuvasında açılmış bir deşikdir. Adətən, bir yuvada iki yumru, ağ yumurta olur. Yarımnövlər -"H. m. malimbica": Kamerundan Uqandaya və Zambiyaya qədər olan çay boyu meşələr. -"H. m. forbesi": Siera Leonadan Şərqi Nigeriyaya və Qərbi Kamerunun ən qərb nöqtəsinə qədər,yəni, Bioko adasına qədər. -"H. m. torquata": Cənubi Senegambiya və Qvineya-Bisaudan, Qərbi Malinin ən qərb nöqtəsinə qədər. -"H. m. dryas": Prinsipi və San Tome adası.
https://ebird.org/species/blbkin4
https://en.wikipedia.org/wiki/Blue-breasted_kingfisher
https://datazone.birdlife.org/species/factsheet/blue-breasted-kingfisher-halcyon-malimbica
https://xeno-canto.org/species/halcyon-malimbica
https://www.inaturalist.org/taxa/2341-Halcyon-malimbica
https://birdsoftheworld.org/bow/species/blbkin4/cur/introduction
https://www.oiseaux.net/birds/blue-breasted.kingfisher.html
https://animalia.bio/blue-breasted-kingfisher
http://www.nejohnston.org/birds/bird_Blue-breastedKingfisher.shtml
https://www.my-gambia.com/mymagazine/bird-of-the-month-blue-breasted-kingfisher/
Tarix : 14 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
