Mavi-çıxıntılı kolibri (Saucerottia hoffmanni)-"Trochilinae" yarımfəsiləsinin "Trochilini" qəbiləsinə aid olan bir kolibri növü. Taksonomiya və sistematika Mavi-çıxıntılı kolibri əvvəllər "Amazilia" cinsinə daxil edilmiş və polad-çıxıntılı kolibrinin yarımnövü kimi qəbul edilmişdir. 2014-cü ildə dərc edilmiş molekulyar filogenetik araşdırma göstərdi ki, "Amazilia" cinsi polifiletikdir. Monofiletik cinslər yaratmaq üçün təqdim edilmiş təsnifatda əksər taksonomik sistemlər mavi-çıxıntılı kolibrini, ayrı bir növ kimi qəbul etdi və onu yenidən bərpa edilmiş "Saucerottia" cinsinə köçürdü. Lakin, "BirdLife International"-ın "Dünya Quşlarının Təlimat Kitabı" (HBW) onu hələ də, polad-çıxıntılı kolibrinin yarımnövü (Amazilia saucerottei hoffmanni) kimi qəbul edir. Mavi-çıxıntılı kolibri monotipik bir növdür. Təsvir Mavi-çıxıntılı kolibri 8-11 sm uzunluğunda və orta hesabla 4.45 qram ağırlığındadır. Hər iki cinsin dimdiyi düz, üst çənəsi qaradöş, alt çənəsi isə qırmızı-qoruy rəngdədir və qara uclu. Yetkin erkəklərin üst hissələri qızılı-yaşıl rəngdədir, sağrı və quyruq üst örtükləri mis-qırmızıdan bənövşəyiyə qədər dəyişir. Alt hissələri tünd parlaq qızılı-yaşıl rəngdədir, quyruq altı örtükləri yaşıldan polad mavisinə qədər dəyişir. Quyruğu açıq polad mavi rəngdədir və bir qədər çəngəlşəkilli. Yetkin dişilər oxşar görünüşə malikdir, lakin alt döş və qarın hissələri daha solğun yaşıldır. Boğaz lələklərinin uclarına yaxın ağ zolaqlar var, vent bölgəsinin lələkləri boz-sarımtıl kənarlıdır və xarici quyruq lələklərinin ucları bənövşəyi rəngdədir. Cavan fərdlər yetkinlərdən daha tünd və alt hissələri daha solğun yaşıldır, qarın hissəsi boz-qəhvəyi rəngdədir. Boğazı tünd boz, bel və sağrı lələkləri qəhvəyi kənarlıdır. Yayılması və yaşayış mühiti Mavi-çıxıntılı kolibri, cənub Nikaraquadan mərkəz Kosta Rikaya qədər tapılır. Yarım-açıq meşələrdə, o cümlədən kolluqlarda, savannalarda, yetişmiş meşələrin kənarlarında, ikinci dərəcəli meşələrdə və bağlarda yaşayır. Adətən quru əraziləri üstün tutur, lakin quraq mövsümdə daha rütubətli ərazilərdə də, tapılır. Dəniz səviyyəsindən 1800 metr yüksəklikdə rast gəlinir. Hərəkət Mavi-çıxıntılı kolibri yerli miqrasiya edir, əsasən çiçəklənmə dövrlərini izləyir. Qidalanma Mavi-çıxıntılı kolibri müxtəlif bitkilərdən, sarmaşıqlardan, kollardan və ağaclardan nektar toplayır. Adətən kiçik ağacların təpələrinə qədər qidalanır və tez-tez qidalanma ərazilərini qoruyur. Nektarla yanaşı, uçuş zamanı və bəzən su səthindən həşəratları da yeyir. Çoxalma Mavi-çıxıntılı kolibrinin çoxalma fenologiyası haqqında demək olar ki, heç bir məlumat yoxdur, lakin çoxalma mövsümünün ən azı dekabrdan aprelə qədər davam etdiyi güman edilir. Yuva bitki lifləri və hörümçək torundan hazırlanır, xarici tərəfi şibyə ilə örtülür. Kosta Rikada bir yuva ölü Cecropia budağında, digəri isə Ficus sarmaşığı üzərində tapılmışdır. Səs və çağırışlar Mavi-çıxıntılı kolibrinin mahnısı "təkrar olunan vızıltılı, cırıltılı ifadədir, tzi-tzee-tzup, bəzən bir neçə aşağı tonlu notla davam edir, tzi-tzee-tzup ... wut-chur-up"-dır. Bundan əlavə, "yüksək, kəskin tsit və ya quru chit səsləri çıxarır, bəzən bu səslər silsilə şəklində təkrarlanır." Status "Beynəlxalq Təbiəti Mühafizə İttifaqı" (IUCN), "HBW" taksonomiyasını izləyir və buna görə də mavi-çıxıntılı kolibrini, polad-çıxıntılı kolibrindən ayrıca qiymətləndirməyib.
https://ebird.org/species/buvhum1
https://en.wikipedia.org/wiki/Blue-vented_hummingbird
https://birdsoftheworld.org/bow/species/buvhum1/cur/introduction
https://www.inaturalist.org/taxa/979595-Amazilia-hoffmanni
https://xeno-canto.org/species/Saucerottia-hoffmanni
https://animalia.bio/blue-vented-hummingbird
https://avibase.bsc-eoc.org/species.jsp?avibaseid=0595E52824A481F3
https://www.oiseaux.net/birds/blue-vented.hummingbird.html
https://www.birdforum.net/opus/Blue-vented_Hummingbird
https://birdsforbeer.com/2019/07/22/steely-vented-hummingbird-15th-hummer-for-the-house/
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
