Mavi-bel konusdimdik ("Conirostrum sitticolor") - "Thraupidae" (Cənubi Amerika tanagraları) ailəsinə aid bir quş növüdür. Boliviya, Kolumbiya, Ekvador, Peru və Venesuelada tapılır. Təbii yaşayış mühiti subtropik və ya tropik rütubətli dağ meşələridir. Taksonomiya Mavi-bel konusdimdiyi 1840-cı ildə fransız ornitoloq Frederik de Lafresnaye tərəfindən təsvir edilmişdir. O, bu növü digər konikdimdik növləri ilə birlikdə "Conirostrum" cinsinə daxil etmişdir. Əvvəllər "bənövşəyi konikdimdik" adlanırdı və onun iki yarımnövü – "C. s. intermedium" və "C. s. cyaneum" müvafiq olaraq Venesuela bənövşəyi konusdimdiyi və Peru bənövşəyi konusdimdiyi kimi fərqli növlər kimi təsvir edilmişdi. Hal-hazırda üç yarımnöv tanınır: -"C. s. sitticolor" (Lafresnaye, 1840) – Kolumbiyanın Mərkəzi Sıra dağları, Ekvador vasitəsilə Peru şimal-qərbinin And dağlarının qərb yamacları. -"C. s. intermedium" (Berlepsch, 1893) – Venesuelanın qərb And dağları, Merida və Taçira ştatları. -"C. s. cyaneum" (Taczanowski, 1875) – Peru şimalından Boliviyanın mərkəzinə qədər And dağlarının şərq yamacları. Təsvir Mavi-bel koniusdimdiyi kiçik bir quşdur və çəkisi 11-13 qramdır. Yarımnövlər görünüşcə bir qədər fərqlənir, lakin bütün yarımnövlərdə başda bir qədər qara, mavi bel, quyruq və narıncı qarın hissəsi var. Nominativ yarımnöv olan "C. s. sitticolor" tamamilə qara başa və boğaza, qara qanadlara malikdir. "C. s. cyaneum" yarımnövündə isə qara yanaq, çənə, alın və təpə, həmçinin mavi göz arxası zolağı və boğaz, mavi qanadlar var. Adından da göründüyü kimi, "C. s. intermedium" yarımnövü digər iki yarımnöv arasında orta görünüşə malikdir: qara üz, boğaz və təpə, göz arxasına qədər uzanan mavi zolaq və qara qanadlar. Davranış Digər kousdimdiklər kimi, mavi-bel konikdimdiyi də əsasən ağacların təpələrində həşəratlarla qidalanan bir həşəratyeyəndir. Çox vaxt digər həşəratyeyən növlərlə, məsələn, incə ağacqaçan, zolaqlı yanaqlı, bozbaşlı meşə tanagrası və qarabaşlı hemispingus ilə qarışıq növlü sürülərdə tapılır. Qarışıq növlü sürülərin sosial dinamikası üzrə işində M. Moynihan qeyd edir ki, mavi-bel konusdimdiyi digər konusdimdiklərlə, xüsusilə qırmızıqaş konusdimdik, ağqaş konusdimdik və başlıqlı konusdimdik ilə birlikdə olmağı üstün tutur. Onun çoxalma və yuva qurma davranışları demək olar ki, tamamilə öyrənilməmişdir. Yayılması Mavi-bel konusdimdiyi Cənubi Amerikanın şimalından mərkəzinə qədər And dağları boyunca yayılıb. Şimal sərhədi Kolumbiya-Venesuela sərhədindəki Cerro Pintado, cənub sərhədi isə Boliviyanın Koçabamba departamentidir. Venesuelada Zulya, Taçira, Merida, Barinas, Truxillo, Portuqeza və Lara ştatlarında Kordilyera de Merida və Siera de Periha dağ silsilələrində tapılır. Kolumbiyada And dağlarının Mərkəzi və Şərq Sıra dağlarında, həmçinin Siera de Periha silsiləsində və Frontino şəhəri yaxınlığında təcrid olunmuş bir populyasiyada rast gəlinir. Ekvadorda ölkənin mərkəzi hissəsində, La Sierra regionunda, şimalda Kolumbiya sərhədindən cənubda Peru sərhədinə qədər yayılıb. "C. s. sitticolor" yarımnövü And dağlarının qərb yamaclarında Kaxamarkanın cənub sərhədinə qədər uzanır. "C. s. cyaneum" yarımnövü də Peruda, şimalda Amazonasdan başlayaraq And dağlarının şərq yamacları boyunca Boliviyanın mərkəzinə qədər tapılır.

İstinadlar

https://ebird.org/species/blbcon1

https://en.wikipedia.org/wiki/Blue-backed_conebill

https://avibase.bsc-eoc.org/species.jsp?avibaseid=EF7A953807743DA5

https://birdsoftheworld.org/bow/species/blbcon1/cur/introduction

https://datazone.birdlife.org/species/factsheet/blue-backed-conebill-conirostrum-sitticolor

https://www.inaturalist.org/taxa/10004-Conirostrum-sitticolor

https://xeno-canto.org/species/Conirostrum-sitticolor

https://animalia.bio/blue-backed-conebill#google_vignette

https://www.oiseaux.net/birds/blue-backed.conebill.html

https://www.lauraerickson.com/bird/blue-backed-conebill/

Tarix : 14 fevral 2025