Marqaret Lorens (1926–1987) - Kanadanın ən görkəmli yazıçılarından biri hesab olunan, roman yazarıı və qısa hekayə müəllifi. Ümumi məlumat O, əsasən Manavaka silsiləsi ilə tanınır. Bu silsilə kiçik bir çöl şəhərində cərəyan edən hekayələr vasitəsilə kimlik, cinsiyyət və mədəni irs mövzularını araşdırır. Erkən həyat və təhsil Marqaret Lorens Neepava, Manitoba şəhərində Jean Margaret Wemyss adı ilə dünyaya gəlib. O, Şotland mənşəli presviterian ailəsində böyüyüb və onun bu kökləri ədəbi yaradıcılığına böyük təsir göstərib. Valideynlərinin erkən ölümündən sonra o, xalası və babası tərəfindən böyüdülüb. "Manitoba Universiteti"ndə ingilis ədəbiyyatı üzrə təhsil alıb və burada Kanada və dünya ədəbiyyatına dərin maraq göstərib. Erkən karyera 1947-ci ildə universiteti bitirdikdən sonra Lorens jurnalist kimi fəaliyyətə başlayıb. Daha sonra həyat yoldaşı ilə birlikdə Afrikaya köçüb və burada Somali və Qanada yaşayıb. Afrika mədəniyyətindən ilhamlanan yazılarına burada başlamışdır. Onun ilk kitabı "Yoxsulluq üçün bir ağac" (1954) Somali şeirləri və nağıllarından ibarət idi. Afrikadakı təcrübəsi onun ilk romanı olan "Bu tərəfdəki İordan" (1960) əsərinə də, təsir etmişdir. Bu roman kolonializm və mədəni keçid mövzularını araşdırır. Manavaka silsiləsi və ədəbi uğur 1960-cı illərdə Kanadaya qayıtdıqdan sonra Lörens öz ədəbi karyerasını formalaşdıran əsərlərini yazmağa başladı. Onun Manavaka silsiləsinə daxil olan romanları "Daş mələk" (1964), "Tanrının zarafatı" (1966), "Alov sakinləri" (1969) və "Kahinlər" (1974) idi. Bu əsərlərdə güclü qadın qəhrəmanların cəmiyyətin gözləntiləri ilə şəxsi azadlıq arasında mübarizəsi təsvir edilir. Tez-tez onun şah əsəri hesab edilən "Kahinlər" romanı "Qubernator General"ının mükafatına layiq görülmüşdür. Son illəri və irsi Lorens ömrünün son illərində Kanada ədəbiyyatının inkişafı və qadın hüquqlarının müdafiəsi ilə məşğul olub. O, gənc yazıçılara mentorluq edib və Kanada ədəbiyyatının formalaşmasına böyük töhfə verib. Lakin şəxsi problemlər, o cümlədən depressiya ilə mübarizə aparırdı və 1987-ci ildə intihar etdi.

İstinadlar

https://en.wikipedia.org/wiki/Margaret_Laurence

https://www.library.yorku.ca/web/archives/finding-aids/canadian-literary-papers_intro/laurence-margaret/

https://www.thecanadianencyclopedia.ca/en/article/margaret-laurence

https://www.britannica.com/biography/Margaret-Laurence

https://www.bibliovault.org/BV.titles.epl?tquery=Margaret%2520Laurence

https://www.penguinrandomhouse.com/authors/16845/margaret-laurence/

https://abcbookworld.com/writer/laurence-margaret/

https://www.margaretlaurencehome.ca/about.html

Tarix : 26 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.