Mara - Cənubi Amerikanın Patqoniya bölgəsində sürətli qaçış qabiliyyətləri və adaptasiya bacarıqları ilə tanınan, unikal və maraqlı heyvanlarından biri. Caviidae ailəsinin bir üzvü olan mara, qeyri-adi bədən quruluşu və həyat tərzi ilə diqqət çəkir. Əsasən böyük ayaqları, uzun qulaqları və sürətli qaçış qabiliyyəti ilə tanınır. Onlar, ceyran və digər sürətli otlayan heyvanlarla oxşar davranışlar sərgiləyirlər. Fiziki təsviri Mara, orta ölçülü, arxadan kiçik, ön tərəfdən geniş bədən quruluşuna sahibdir. Adətən boyları 40-60 sm arasında dəyişir və çəkiləri 5-8 kq civarındadır. Uzun və əzələli ayaqları ona sürətli qaçmaq imkanı verir. Onlar, xüsusən düzənlik və otlaq sahələrində yüksək sürətlə qaçmaqda mükəmməldir. Çevik və sürətli olduqlarına görə, yırtıcılardan qorunmaq üçün təbii müdafiə mexanizminə malikdirlər Yaşadığı ərazi Otlu və yarımquru çöllərdə, düzənliklər və bəzi hallarda dağlıq ərazilər kimi müxtəlif mühitlərdə yaşamağı bacarırlar. Onlar sərt və quru şəraitə uyğunlaşa bilən heyvanlar olduğundan, istənilən növ əraziyə asanlıqla öyrəşə bilirlər. Həyat tərzi və qidalanması Əsasən otlar və bəzi hallarda kiçik bitkilərlə qidalanır. Qidalanma tərzi ceyranlar və sürətli qaçan ot yeyən heyvanlarla oxşardır. Maralar qrup halında yaşayır və bu, onların özlərini müdafiə etmələrinə kömək edir. Bəzi hallarda tək yaşadıqları da görülmüşdür. İnsanlar olan mühitdə də rahatlıqla yaşaya bilirlər. Davranış və sosial həyat Əsasən gündüz aktiv olan heyvandır. Onlar, gecə boyunca gizlənərək yırtıcılardan qorunmağa çalışır. Maralar təhlükədən xəbərdar olmaq üçün, növbəli şəkildə qidalanırlar. Bu xüsusiyyət qruplar arasında sıx əməkdaşlıq və təşkilatlı bir həyat tərzi olmasından xəbər verir. Nəsli kəsilmə riski və qorunma statusu Ətraf mühitin dəyişməsi və həyat sahələrinin məhdudlaşması ilə nəsli kəsilmə təhlükəsi altında olan heyvanlardan biridir. İnsan fəaliyyətləri, xüsusən torpaqların kənd təsərrüfatı məqsədilə istifadəsi, bu heyvanın təbii yaşam sahələrinin azalmasına səbəb olub. Mara növünün qorunması üçün müxtəlif təbii parklar və qorunan ərazilər yaradılmışdır.

İstinadlar

https://en.wikipedia.org/wiki/Dolichotis

https://animaldiversity.org/accounts/Dolichotis_patagonum/

https://nnzoo.ru/mammals/36529-paragonskaya-mara-dolichotis-patagonum.html

https://www.britannica.com/animal/cavy

https://zooatlanta.org/animal/patagonian-mara/

https://animalia.bio/patagonian-mara

https://www.inaturalist.org/taxa/43802-Dolichotis-patagonum

Tarix : 15 dekabr 2024

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.