Müqəddəs Məryəmin Göyə Qaldırılması Kafedralı - Kentukki ştatının Louisville şəhərində yerləşən Katolik kafedralıdır və Louisville Arxeparxiyasının ana kilsəsi. Kafedral, arxiyepiskop Shelton J. Fabrein təsis yeridir və arxiyeparxiyanın general vikarı Martin A. Linebach kilsənin rektoru kimi xidmət edir. Tarix Müqəddəs Lui Kilsəsi 1811-ci ildə Louisvildəki kiçik bir Katolik qrupu 10-cu və Main küçələrində Müqəddəs Lui Kilsəsini qurdu. Əvvəllər, ABŞ-da təqdis edilmiş ilk keşiş olan Stefan Badin, "dövrə keşişi" adlanaraq, Louisville bölgəsində və Amerikan sərhədlərinin böyük bir hissəsində xidmət etmişdi. Sentyabr 1821-ci ildə Filip Hosten Müqəddəs Lui Kilsəsinin ilk daimi keşişi oldu. Keşiş Hosten bir il sonra şəhərdə sarı qızdırma epidemiyası zamanı vəfat etdi. 1830-cu ilə qədər Ohio çayından beş blok cənubda, Beşinci Küçədə daha böyük bir Müqəddəs Lui Kilsəsi tikildi. Müqəddəs Məryəmin Göyə Qaldırılması Kafedralı bu gün də həmin ərazidə yerləşir. Bardstaundan Louisvillə ABŞ-nin ilk daxili yeparxiyası olan Bardstaun Yeparxiyası 1808-ci ildə quruldu və Benedikt Jozef Flaže ilk Bardstaun yepiskopu oldu. Yeparxiya Kentukkinin, Tennessinin, Missurinin, İllinoysun, İndiananın, Ohayo və Miçiqanın böyük bir hissəsini əhatə edirdi. 1841-ci ildə yeparxiya Bardstaundan Louisvillə köçürüldü və Müqəddəs Lui Kilsəsi Müqəddəs Lui Kafedralı oldu. Yepiskop Flaže, 1849-cu ildə yeni bir kafedralın tikilməsinə qərar verdi. Lakin, Yepiskop Flaže 11 fevral 1850-ci ildə, yeni kilsə binasının təməl daşı qoyulduqdan bir neçə ay sonra vəfat etdi. Onun qalıqları bu gün kafedralın zirzəmisindəki bir şapeldə yerləşir. Qanlı Bazar ertəsi Yeni tikilmiş Müqəddəs Məryəmin Göyə Qaldırılması Kafedralı, tikintisindən qısa müddət sonra Louisvildəki anti-Katolik və anti-immigrant qərəz səbəbi ilə demək olar ki, məhv ediləcəkdi. 6 avqust 1855-ci il, Bazar ertəsi günü, Louisville Journal qəzetinin redaktoru Corc D. Prentice, öz fikrini ifadə edən bir məqalə dərc etdi. Bu məqalədə immiqrantların (almanlar və irlandlar) şəhəri ələ keçirməsi ehtimalı və səs saxtakarlığı ittihamları irəli sürülürdü. Təhlükəsizlikdən qorxan "Know Nothing" Partiyası (Yerliçilər Partiyası) yerli immiqrant işçilərə hücum edərək 22 alman və irland immiqrantını öldürdü. Həmçinin, kafedral və yeni tikilmiş Müqəddəs Martin Turonlu kilsəsinin (1854-cü ildə tamamlanmışdır) zirzəmilərində silah saxlandığı iddia edilirdi. Kilsələr yandırılmaqla hədələndi, lakin o zamanın şəhər meri Con Barbi, özü də "Know-Nothing" partiyasının üzvü olaraq, kilsələri yoxladı və bu ittihamları təkzib etdi.
https://www.cathedraloftheassumption.org/history/
https://www.cathedraloftheassumption.org/
https://www.kentuckytourism.com/explore/cathedral-of-the-assumption-1004
https://www.archlou.org/parishes/cathedral-of-the-assumption/
https://digital.library.louisville.edu/concern/images/ulpa_cs_090571?locale=de
https://history.ky.gov/markers/cathedral-of-the-assumption
https://en.wikipedia.org/wiki/Cathedral_of_the_Assumption_(Louisville,_Kentucky)
Tarix : 16 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
