Liverpool Metropolitan kafedralı - Rəsmi adı ilə Məsih Kral Metropolitan Kafedralı və yerli ləqəbi ilə "Paddy'nin Çadırı", İngiltərənin Liverpool şəhərində yerləşən Liverpool Arxiyepiskopunun təsis yeri və Liverpool Roma-Katolik Arxeparxiyasının ana kilsəsidir. II dərəcəli qorunan bu kafedral, Liverpulun bir çox qorunmuş binalarından biri. Kafedralın memarı Frederick Gibberd, dünya miqyasında keçirilən dizayn müsabiqəsinin qalibi idi. Tikinti 1962-ci ildə başladı və 1967-ci ildə tamamlandı. Daha əvvəl 1933 və 1953-cü illərdə kafedral üçün dizaynlar təqdim edilmişdi, lakin heç biri tamamlanmadı. Tarix Puginin dizaynı Böyük İrlandiya Aclığı (1845–1852) zamanı Liverpulun Katolik əhalisi kəskin şəkildə artdı. Təxminən yarım milyon irlandlı, əsasən katolik olaraq, aclıqdan qaçmaq üçün İngiltərəyə qaçdı; bir çoxu Şimali Amerikaya səyahət etmək üçün Liverpuldan yola düşdü, digərləri isə şəhərdə qaldı. Katolik əhalinin artması səbəbindən Liverpulun köməkçi yepiskopu Alexander Goss (1814–1872) yeni bir kafedralın tikintisi ehtiyacını hiss etdi. O, St. Edward's Collegein ərazisini, St. Domingo Road, Everton ünvanını seçdi. 1853-cü ildə Goss, artıq yepiskop olaraq, yeni kafedralın tikintisi üçün Edward Welby Puginə (1833–1875) tapşırıq verdi. 1856-cı ilə qədər yeni kafedralın Məryəm Ana şapeli tamamlandı. Maliyyə resurslarının Katolik uşaqların təhsilinə yönəldilməsi səbəbindən tikinti işləri dayandırıldı və Məryəm Ana şapeli – indiki adı ilə Məryəm Ana Məsum – yerli Katolik əhalisi üçün məhəllə kilsəsi kimi xidmət etdi. Şapel 1980-ci illərdə söküldü. Scottun kiçildilmiş dizaynı Lutyensin iddialı dizaynı uğursuz olduqdan sonra, 1953-cü ildə Adrian Gilbert Scott (Anglikan Kafedralının memarı Sir Giles Gilbert Scottin qardaşı) 4 milyon funt sterlinq büdcə ilə daha kiçik bir kafedral dizaynı üzərində işləmək üçün tapşırıq aldı. O, Lutyens'in binasının kiçildilmiş bir versiyasını təqdim etdi və kütləvi günbəzi saxladı. Scott'un planları tənqid edildi və tikinti baş tutmadı. Gibberdin dizaynı Hazırkı kafedral Sir Frederick Gibberd (1908–84) tərəfindən dizayn edilmişdir. Tikinti 1962-ci ilin oktyabrında başladı və beş ildən az bir müddətdə, 14 may 1967-ci ildə (Müqəddəs Ruh günü) tamamlanan kafedral təqdis edildi. Açılışından qısa müddət sonra kafedral memarlıq qüsurları göstərməyə başladı. Bu, kafedral rəhbərliyini Frederick Gibberd'i 1,3 milyon funt sterlinq məbləğində iddia etməyə vadar etdi. İddiaların ən ciddiləri alüminium dam örtüyündəki sızıntılar və beton qabırğalardan ayrılmağa başlayan mozaik plitələrlə bağlı idi. Dizayn, Stephen Bayley tərəfindən "Brasiliadakı Oscar Niemeyer orijinalının incə və kövrək bir versiyası" kimi təsvir edilmişdir, lakin Nikolaus Pevsner qeyd edir ki, bu oxşarlıq yalnız səthi xarakter daşıyır.

İstinadlar

https://www.buildingconservation.com/articles/liverpool-met/liverpool-metropolitan.html#:~:text=Liverpool's%20Catholic%20cathedral%2C%20or%20to,utterly%20unique%20in%20the%20UK.

https://liverpoolmetrocathedral.org.uk/history-heritage/a-brief-history/

https://www.gibberd.com/projects/liverpool-metropolitan-cathedral

https://www.visitliverpool.com/listing/metropolitan-cathedral-of-christ-the-king/804501/

https://architectuul.com/architecture/liverpool-metropolitan-cathedral

https://www.liverpoolmuseums.org.uk/artifact/model-of-liverpool-metropolitan-cathedral-of-christ-king

https://en.wikipedia.org/wiki/Liverpool_Metropolitan_Cathedral

Tarix : 16 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.