Leyrvik və ya Stord — Norveçin Vestland dairəsində yerləşən şəhər və Stord bələdiyyəsinin inzibati mərkəzidir. Şəhər böyük Stord adasının cənub sahili boyunca, Hardangerfyordun sahilində yerləşir. Şəhər 1997-ci ildə şəhər statusu alıb. Şəhərin ərazisinə Eldöyane yarımadası da daxildir. Burada iri Kverner Stord sənaye sahəsi yerləşir. Leyrvik limanının görünüşü Leyrvik Sunnhordland ənənəvi dairəsinin regional mərkəzidir. Burada Haugaland və Sunnhordland rayon məhkəməsi və Sunnhordland Muzeyi kimi bir sıra dövlət xidmətləri və idarələri, həmçinin çoxlu mağaza və restoran fəaliyyət göstərir. Stord kilsəsi, Stord yuxarı orta məktəbi və Qərbi Norveç Tətbiqi Elmlər Universitetinin bir sıra müəssisələri də şəhərdə yerləşir. 10,34 km² ərazisi olan şəhərin 2025-ci ildə əhalisi 14 767 nəfər, əhalinin sıxlığı isə 1 km²-ə 1428 nəfər təşkil edib. Bütün bələdiyyənin təxminən 18 700 sakini var (2019), buna görə də bələdiyyə əhalisinin təxminən 75%-i Leyrvikdə yaşayır. Leyrvik həmçinin Nynorskun üstünlük verilən dil forması olduğu bələdiyyədə yerləşən ən böyük şəhər ərazisidir. Nəqliyyat Şəhər E39 Avropa avtomobil yolunun üzərində, Stord körpüsünün bir qədər şərqində yerləşir. Körpü bir sıra adaları avtomobil körpüləri və sualtı tunel vasitəsilə materiklə birləşdirən Üçbucaq əlaqəsinin bir hissəsidir. Şəhərin qərb hissəsindəki Skjersholmanedə Halsnöya, Fyelberqöya və Borqundöya adalarına müntəzəm bərə reyslərinin həyata keçirildiyi bərə körpüsü yerləşir. Hardangerfyordda, şəhərin şərqində yerləşən bu adalara bərə əlaqəsi mövcuddur. Yaxınlıqdakı Hüqlo adasına müntəzəm bərə, Leyrvikdən bir qədər şimalda yerləşən Yektavik körpüsündən yola düşür. Leyrvikin əsas limanından Halsnöy, Fyelberqöy və Borqundöy adalarına, eləcə də Hüsnes, Skonevik və Ölen kəndlərinə və dairənin paytaxtı Bergen şəhərinə, hər gün bir neçə sürətli qayıq reysi həyata keçirilir. Stord hava limanı, Sörstokken Leyrvik şəhər mərkəzindən təxminən 12 km qərbdə, Sagvoq kəndinin yaxınlığında yerləşir. Leyrvikin əsas avtobus terminalından yerli avtobuslarla yanaşı, şimalda Bergenə, cənubda isə Stavangerə gedən regional sürətli avtobuslar fəaliyyət göstərir. Media Sunnhordland qəzeti Leyrvikdə nəşr olunur. Bundan əlavə, Stord24 onlayn qəzeti də burada fəaliyyət göstərir. NRK-nın da Leyrvikdə yerli ofisi var. Adı Stord bələdiyyəsi 1997-ci ildə Leyrvik şəhər ərazisini şəhər elan edərkən, şəhəri "Stord" adlandırmağa qərar verdi. Leyrvik isə şəhərin mərkəzi hissəsi kimi müəyyənləşdirildi. Buna səbəb Norveç hökumətinin yaşayış məntəqəsinin şəhər adlandırılması üçün ən azı 5000 sakininin olmasını tələb etməsi idi. Leyrvikin təkbaşına kifayət qədər əhalisi olmadığı üçün, şəhər ərazisinə ətrafdakı bütün yaşayış məntəqələri də daxil edildi və "Stord" adı bütün ərazini əhatə etməli idi. Rəsmi ad bu olsa da, onun ictimai qəbulu minimal olub və mübahisələrə səbəb olub; şəhər ərazisi isə hələ də "Leyrvik" adlanır. Leyrvik adı "gilli körfəz" mənasını verir. Ad ədim skandinav dilində "gil" mənasını verən "leira" və "körfəz" mənasını verən "vík" sözlərindən yaranıb. Ad ərazidə gilin yüksək miqdarda olması ilə əlaqədardır. Yerli sakinlər Leyrviki çox vaxt yerli dialektdə "körfəz" mənasını verən "Vikyo" adlandırırlar. Həmçinin bax Oslo Tromsö Förde Qrimstad Yövik Harstad İstinadlar
https://az.wikipedia.org/wiki/Leyrvik
https://geohack.toolforge.org/geohack.php?language=az&pagename=Leyrvik¶ms=59_47_0_N_5_30_0_E_scale:100000_type:city
https://maps.google.com/maps?ll=59.78333,5.50000&q=59.78333,5.50000&spn=0.1,0.1&t=h&hl=az
https://yandex.ru/maps/?ll=5.50000,59.78333&pt=5.50000,59.78333&spn=0.1,0.1&l=sat,skl
https://www.openstreetmap.org/?mlat=59.78333&mlon=5.50000&zoom=12
https://snl.no/Leirvik_-_tettstad_p%C3%A5_Stord
https://web.archive.org/web/20241007100043/https://snl.no/Leirvik_-_tettstad_p%C3%A5_Stord
Tarix : 29 sentyabr 2026
