Lao Şi (1899–1966) - Çinli yazıçı və dramaturq. O, ən çox "Dəvə Xiangzi" (1937) romanı və "Çayxana" (1957) pyesi ilə tanınır. Onun əsərləri sosial ədalətsizlik, insan dözümlülüyü və 20-ci əsrin əvvəllərində Çində adi insanların çətinlikləri mövzusunu əhatə edir. Erkən həyat və təhsil Şu Çinçun adı ilə Pekində anadan olan Lao Şi, mancur mənşəli idi. Atası hərbçi olmuş, lakin o uşaq ikən həlak olmuşdu. Anası onu yoxsulluq içində böyütsə də, Lao Şi təhsilində fərqlənmiş və "Pekin Normal Universiteti"ndə oxumuş, daha sonra müəllim olmuşdur. Ədəbi karyera 1924-cü ildə İngiltərəyə gedərək "London Universiteti"ndə Çin dili dərsi vermişdir. Burada o, xüsusilə Çarlz Dikkens və rus realist yazıçılarının təsiri altında qalmışdır. 1929-cu ildə Çinə qayıtdıqdan sonra məhsuldar yazı fəaliyyətinə başlamışdır. Onun ən məşhur romanı "Dəvə Xiangzi", zəhmətkeş, lakin cəmiyyətin korrupsiyası və şəxsi uğursuzluqlar səbəbindən, arzuları puç olan bir rikşaçının, faciəsini təsvir edir. Əsər əvvəlcə Çində senzura olunmuş, lakin beynəlxalq aləmdə böyük tanınma qazanmışdır. 1957-ci ildə yazdığı "Çayxana" pyesi, Çin tarixinin bir neçə onilliyini əhatə edən geniş sosial dramdır. Əsərdə çayxana müştərilərinin həyatı vasitəsilə ənənəvi cəmiyyətin süqutu təsvir edilir. Son illər və siyasi təzyiqlər Lao Şi 1949-cu ildən sonra "Çin Kommunist Partiyası"nı dəstəkləyirdi. Lakin 1966-cı ildə başlayan "Mədəni İnqilab" dövründə "inqilab əleyhdarı" elan edildi. "Qırmızı qvardiyaçılar" tərəfindən təhqir və işgəncələrə məruz qalan yazıçı 1966-cı ildə Pekinin Taipin gölündə müəmmalı şəkildə dünyasını dəyişmiş, bunun intihar olduğu bildirilmişdir. İrsi Lao Şi, müasir Çin ədəbiyyatının ən görkəmli yazıçılarından biri hesab olunur. Onun əsərləri bu gün də geniş şəkildə öyrənilir, film, teatr və televiziya adaptasiyaları yaradılır. 1988-ci ildə Pekində, "Lao Şe Memorial Evi" açılmışdır.
https://en.wikipedia.org/wiki/Lao_She
https://www.britannica.com/biography/Lao-She
https://www.newworldencyclopedia.org/entry/Lao_She
https://www.jstor.org/stable/41490672
http://iel.cass.cn/english/publications/200807/t20080704_2765866.shtml
https://www.english-heritage.org.uk/visit/blue-plaques/lao-she/
https://en.wikipedia.org/wiki/Lao_She_Literary_Award
https://www.thebeijinger.com/blog/2023/08/25/getting-know-your-beijing-neighbors-lao-she
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
