La Qomera nəhəng kərtənkələsi (Gallotia bravoana) - Kanar adalarından biri olan La Qomera adasında tapılan bir divar kərtənkələsi növü. Status və qorunma La Qomera nəhəng kərtənkələsi haqqında məlumatlar 19-cu əsrə qədər olan La Qomera hesabatlarında qeyd olunub, lakin sonralar bu növ haqqında məlumat verilmir. Növ ilk dəfə 1985-ci ildə subfosil qalıqları əsasında təsvir edilmişdir və ehtimal ki, o zaman nəsli kəsilib. İspan bioloqlar, Juan Karlos Randonun rəhbərliyi altında, bu növü 1999-cu ildə yenidən kəşf etdilər. Bioloqlar yalnız altı canlı fərd tapdılar. 2004-cü il məlumatlarına görə, La Qomera nəhəng kərtənkələsinin vəhşi təbiətdə 90 fərdi və təxminən 44 heyvanlıq əsarət populyasiyası qalıb. Bu növ indi yalnız Valle Qran Rey yaxınlığında bir-birindən 2 km məsafədə yerləşən iki ayrı-ayrı əlçatmaz qayalıqda tapılır. La Qomera nəhəng kərtənkələsinin bir zamanlar La Qomera adasının böyük hissəsində və müxtəlif yaşayış mühitlərində yayıldığı düşünülür. Hal-hazırda isə yalnız Parque Rural de Valle Gran Rey ərazisində tapılır və mövcud yayılma sahəsi bir hektardan azdır, seyrək bitki örtüyü olan quru qayalıqlarla məhdudlaşır. Taksonomiya və sistematika Alman zooloq R. Hutterer öz elmi təsvirində La Qomera adasından tapılan subfosil qalıqlarını iki yarımnöv kimi təsnif etdi: Gallotia simonyi bravoana və Gallotia simonyi gomerana. Bischoff (1998) bu iki yarımnövü sinonimləşdirərək tək bir takson kimi qəbul etdi. Barbadillo və digərləri (1999) bu taksonu növ statusuna yüksəltdilər və bravoana adını qəbul etdilər. Nogales və digərləri (2001) növ statusu ilə razılaşdılar, lakin Gallotia gomerana adından istifadə etdilər. Beynəlxalq Zooloji Nomenklatura Komissiyasının qərarına əsasən, gomerana bravoana-nın kiçik sinonimi hesab olunur. Bununla belə, bu növün ayrı bir növ kimi tanınması birmənalı deyil. Ehtimal ki, G. simonyi onun ən yaxın yaşayan qohumudur.
https://www.inaturalist.org/taxa/73807-Gallotia-bravoana
https://animalia.bio/la-gomera-giant-lizard
https://www.researchgate.net/publication/268875112_Island_survivors_population_genetic_structure_and_demography_of_the_critically_endangered_giant_lizard_of_La_Gomera_Gallotia_bravoana
https://lacerta.de/AF/Bibliografie/BIB_8541.pdf
https://www.lacerta.de/AF/Bibliografie/BIB_8539.pdf
https://s3.amazonaws.com/iucnredlist-newcms/staging/species-of-the-day/gallotia-bravoana/pdfs/original/gallotia-bravoana.pdf?1466623751
https://en.wikipedia.org/wiki/La_Gomera_giant_lizard
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
