La Plata Kafedralı - Argentinanın La Plata şəhərində yerləşən və Müqəddəs Məryəmin Ləyaqətinə həsr olunmuş bu neogotik tikili, dünyanın 58-ci ən hündür kilsəsi. Şəhərin coğrafi mərkəzində, Moreno Meydanı və Bələdiyyə binası ilə üz-üzə yerləşir. Tarix Kafedral, Buenos Aires əyalətinin Mühəndislik Departamenti tərəfindən, mühəndis Pedro Benoitin rəhbərliyi altında planlaşdırıldı. Memar Ernesto Mayer tərəfindən çəkilən planlara memar Emilio Coutaret də kömək etdi. Layihə, Fransa'nın Amiens Kafedralı və Almaniyanın Köln Kafedralından ilham aldı. Tikilinin üslubu Neo-Qotik (Gothic Revival) memarlığına aiddir. Bərpa və tamamlama 1930-cu illərdə, təməlin planlaşdırılan ölçü və çəkiyə davam gətirə bilməyəcəyi qorxusu ilə tikinti işləri dayandırıldı. Qüllələr yarımçıq qaldı və kərpic işləri tamamlanmadı. 1990-cı illərin ortalarında iddialı bir bərpa və tamamlama planı həyata keçirildi. Bu plana aşağıdakılar daxil idi: - Təməlin gücləndirilməsi. - Kərpic və birləşmələrdəki zədələrin aradan qaldırılması. - İki qüllə, altı qülləcik, 200 pinnacle və 800 iynənin tamamlanması. - 25 zəngdən ibarət karillonun quraşdırılması. Kərpic işləri bərpa edildikdən və tamamlandıqdan sonra, xarici hissənin örtülməməsinə qərar verildi. Bu səbəbdən, kafedralın açıq kərpic xarici görünüşü bir qədər qeyri-adi sayılır və La Plata Kafedralını Şimali Avropadakı bir çox kərpic Qotik və ya Neo-Qotik üslublu kilsələrə (məsələn, İsveçdə Uppsala Kafedralı, Finlandiyada Helsinki Müqəddəs Yohan Kilsəsi və Danimarkada Roskilde Kafedralı) bənzədir. Bərpa işləri 2000-ci ildə ictimaiyyətə təqdim edildi. Qüllələri 367 fut (112 metr) hündürlüyə qalxan La Plata Kafedralı, Amerikadakı ən hündür altı kilsədən biridir.

İstinadlar

https://www.lonelyplanet.com/argentina/atlantic-coast/la-plata/attractions/catedral-de-la-plata/a/poi-sig/1273617/362994

https://www.theguardian.com/cities/2015/apr/08/la-plata-cathedral-argentina-history-cities-50-buildings

https://worldlist.vision/south_america/argentina/cathedral_of_la_plata.phtml

https://kids.britannica.com/students/assembly/view/220977

https://7toucans.com/en/things-to-do-when-traveling/south-america/argentina/la-plata/2608-la-plata-cathedral

https://cityseeker.com/buenos-aires/677951-catedral-de-la-plata

https://en.wikipedia.org/wiki/Cathedral_of_La_Plata

Tarix : 14 fevral 2025