Külrəngli bayquş (Strix sartorii) - Meksika zolaqlı bayquşu, Meksikaya endemik olan bir bayquş növü. Taksonomiya və sistematika Külrəngli bayquş tarixən tez-tez zolaqlı bayquşun (Strix varia) yarımnövü kimi qəbul edilmişdir, bəzən fulvous bayquşu (Strix fulvescens) ilə birlikdə. Lakin 2010-cu ildən etibarən səs və genetik fərqlər onun ayrı bir növ kimi təsnif edilməsini tələb edir. "Beynəlxalq Ornitoloji Komitəsi" (IOC) və Clements taksonomiyası onu ayrı bir növ kimi tanıyır. Lakin 2020-ci ilin dekabrına qədər "BirdLife International"-ın "Handbook of the Birds of the World" təsnifatı onu hələ də zolaqlı bayquşun yarımnövü kimi qəbul edir. Təsvir Külrəngli bayquşun çox az nümunəsi ölçülmüşdür. Mövcud məlumatlara görə uzunluğu 430–505 sm (14,11–16,57 fut), erkəklərin çəkisi 469–812 qram (1,034–1,790 lb), dişilərin çəkisi isə 610–1051 qram (1,345–2,317 lb) arasında dəyişir. Bu iri və yumru başlı bayquşun üst hissələri boz-qəhvəyi rəngdə olub ağdan saman rənginə qədər zolaqlıdır. Üz diskləri boz-ağdan qəhvəti-boz rəngdədir və tünd qəhvəyi və saman rəngli zolaqlarla əhatə olunub. Alt hissələri açıq saman rəngdən ağ rəngə qədər dəyişir və tünd zolaqlıdır. Yayılması Külrəngli bayquş üç ayrı ərazidə rast gəlinir. Ən böyük ərazi Sierra Madre Oriental boyunca şimalda San Luis Potosi ilə cənubda Verakruz arasında yerləşir. İkinci ən böyük ərazi Durangodan cənubda Miçoakana qədər uzanır, üçüncü ərazi isə Qerreroda nisbətən kiçik bir sahədir. Əvvəllər Oaxakada da rast gəldiyi güman edilir. Qidalanma Külrəngli bayquşun qidalanma strategiyası və qidası haqqında çox az məlumat var, lakin hər ikisinin zolaqlı bayquşla oxşar olduğu güman edilir. Bu növ yarı-gecəvi və ya gecəvi olub kiçik məməlilər, dırnaqlılar, kiçik quşlar, sürünənlər və onurğasızlarla qidalanır. Çoxalma Külrəngli bayquşun çoxalma fenologiyası haqqında yeganə məlumat Nayaritdə iyun ayının əvvəlində müşahidə edilən uçmaq üçün hazır olan bir baladan gəlir. Bu balanın uçuş lələkləri yaxşı inkişaf etmiş, lakin bədəni tüklərlə örtülü idi. Status "Beynəlxalq Təbiəti Qoruma İttifaqı" (IUCN) külrəngli bayquşun statusunu qiymətləndirməyib və "külrəngli bayquşun bioloji hər bir aspekti üzrə daha çox tədqiqat tələb olunur."
https://ebird.org/species/barowl13
https://en.wikipedia.org/wiki/Cinereous_owl
https://xeno-canto.org/species/Strix-sartorii
https://birdsoftheworld.org/bow/species/barowl13/cur/introduction
https://www.inaturalist.org/taxa/1286924-Strix-sartorii
https://www.allaboutbirds.org/news/elusive-cinereous-owl-gets-species-status-in-2021-taxonomy-update/
https://xeno-canto.org/species/Strix-sartorii?view=1
https://www.oiseaux.net/birds/cinereous.owl.html
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
