Koji portağalı (Citrus leiocarpa) - Həmçinin hamar meyvəli portağal kimi tanınır, Yaponiyaya məxsus olan bir Citrus növü. Növün epiteti (leiocarpa) yunanca λεῖος (leîos, "hamar") və καρπός (karpós, "meyvə") sözlərindən gəlir. Bu növ Citrus aurantium-un taksonomik sinonimi hesab olunur. Yayılması Yaponiyadan başqa, ABŞ-da və Şərqi Asiyanın digər bölgələrində, o cümlədən Cənubi Koreya və Çində yetişdirilir. Təsvir Meyvəsi yastı formada, bir qədər qabırğalı, parlaq narıncı rəngdə, çox kiçik və çox toxumludur. Son iki səbəbə görə ticarət məqsədi ilə yetişdirilmir. Meyvə oktyabr və noyabr aylarında yetişir və ən azı 1900-cü ildən bəri becərilir. Monoembrionik ola bilər. Ağac sıx budaqlıdır, geniş tacı və qısa, düz gövdəsi var. Yarpaqları tünd yaşıl rəngdədir və ellips şəklindədir. Genetikası Citrus leiocarpa-nın koji tipli bir növ (ana bitki) və tachibana portağalı (ata bitki, Citrus tachibana) arasında hibrid olduğu güman edilir. Onun genotipi komikan və toukan növləri ilə uyğun gəlir. Növləri Citrus leiocarpa f. monoembryota, Citrus leiocarpa-nın bir formasıdır və Chozaburo Tanaka tərəfindən təsvir edilmişdir. Əvvəllər koji portağalı-nın mutasiyası olduğu düşünülsə də, sonradən məlum olub ki, bu, koji (ata bitki) və kishu (ana bitki) arasında hibriddir. Çin dilində 駿河柑子 (jun he gan zi), Yapon dilində isə スルガユコウ (suruga yukō) və 駿河柚柑 (suruga yuzukan) adlanır.
https://kids.kiddle.co/Koji_orange
https://www.flower-db.com/en/flowers/citrus-leiocarpa
https://citrusvariety.ucr.edu/crc3147
https://umami-insider.com/blogs/blog/unique-varieties-of-kankitsu-japanese-citrus-fruits?srsltid=AfmBOooVSRELw8oLJ2FbAIWXJ203r4Vb1VDQi4u1jXBXzx7y0PqnUR7H
https://hexcolorpedia.com/color/koji-orange/
https://umami-insider.com/blogs/blog/mikan-japanese-orange-citrus-you-should-try?srsltid=AfmBOopTsVtJd_5Awe9vSTmi9v0-kzOdqlTe3jFyoA18T28jZk-nvQtn
https://en.wikipedia.org/wiki/Koji_orange
Tarix : 26 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
