Klosterneuburq abbatlığı (almanca: Stift Klosterneuburg) - Avstriyanın aşağı Avstriya əyalətindəki Klosterneuburq şəhərində yerləşən 12-ci əsrə aid Katolik Kilsəsinin Avqustin monastırı. Dunay çayına baxan və Vyana şəhər sərhədlərindən bir qədər şimalda, Leopoldsberg yaxınlığında yerləşən monastır, 1114-cü ildə Avstriyanın himayədar müqəddəsi olan Babenbergli Müqəddəs III Leopold və onun ikinci həyat yoldaşı Almaniyalı Agnes tərəfindən təsis edilmişdir. Abbatlıq kilsəsi, Məryəmin Doğulmasına (Maria Geburt) həsr edilmişdir və 1136-cı ildə təqdis edilmiş, 17-ci əsrdə Barokko üslubunda yenidən qurulmuşdur. Tarix 12-ci əsrin əvvəllərində İnvestitura Mübahisəsi zamanı Babenbergli Markqraf III Leopold Papalığın tərəfində duraraq İmperator IV Henrixə qarşı çıxdı. 1106-cı ildə imperatorun oğlu, atasına qarşı Papalığın tərəfində duran İmperator V Henrix, Leopoldun sədaqətini qiymətləndirərək onun xidmətlərinə görə bacısı Agnes ilə evlənməyi təklif etdi. Agnes, Şvabiya hersoqu I Fridrixin dul qadını idi. Leopold, yaxın zamanda ilk həyat yoldaşını itirmişdi və İmperator Salian sülaləsinin bu qızı ilə evlənməyi qəbul etdi. Verdun Altarı Müqəddəs Leopold kilsəsində 1181-ci ildə Verdunlu Nikolay tərəfindən hazırlanmış Verdun Altarı yerləşir. Onun üç hissəsi 51 qızıl suyuna çəkilmiş mis lövhədən ibarətdir və Bizans nümunələri əsasında hazırlanmışdır, Köln Kafedralındakı Üç Kralın qutusuna bənzəyir. Əvvəlcə panellər kimi hazırlanmış bu lövhələr, təxminən 1330-cu ildə ikinci dəfə istifadə üçün altar kimi yığılmışdır. Üç hissəli konsepsiya lövhələrin düzülüşündə öz əksini tapır. Bibliya təfsirinə görə, təsvirlər Adəm və Nuh dövrü, İbrahim, Davud və Babil əsarəti dövrü və nəhayət, İsanın həyatı ilə bağlı üç sıraya bölünür və mərkəzi hissədə yerləşdirilir. Müxtəlif dövrlərə aid bitişik lövhələrin sütunları, tipologiya nəzəriyyəsinin ideyalarına uyğun olaraq onların əlaqəsini simvollaşdırır.
https://www.stift-klosterneuburg.at/en/
https://www.visitingvienna.com/sights/klosterneuburg-abbey/
https://www.stift-klosterneuburg.at/en/monastery-and-order/history/
https://presentations.thebestinheritage.com/2008/Abbey%20of%20Klosterneuburg
https://www.wien.info/en/see-do/around-vienna/klosterneuburg-350014
https://www.britannica.com/place/Abbey-Church-of-Klosterneuburg
https://en.wikipedia.org/wiki/Klosterneuburg_Abbey
Tarix : 18 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
