Kənan pişiyi - İsrailin yerli vəhşi çöl pişiyi əsasında yaradılmış eksperimental bir pişik növü. Tarix Alman-İsrail rəssamı Doris Pollatschek, Kənan pişiyi növünün banisi hesab olunur. Bu növ, yerli Falkon pişiyi (Felis silvestris lybica) ilə ev pişiklərinin çarpazlaşdırılması nəticəsində yaranmışdır. 2000-ci ildə İsraildə inkişaf etdirilmiş və 2008-ci ildə "Dünya Pişik Federasiyası" (WCF) tərəfindən rəsmi olaraq qeydiyyata alınmışdır. Kənan pişiyi, İsraildə yaradılan ilk milli pişik növüdür. "Kənan" adı, qədim Yəhudi torpaqlarının adı olan Kənan sözündən götürülmüşdür. Bu ərazi indiki İsrail, Fələstin, Livan və digər ölkələrin bir hissəsini əhatə edir. Onlar həmçinin "eksperimental" adlandırılır, çünki hələ də evcilləşdirilmə prosesindədirlər. Xüsusiyyətlər Kənan pişiyi orta və iri ölçülü, atletik, lakin incə və zərif bədən quruluşuna malikdir. Uzun və incə pəncələri, oval pəncə yastıqları var və gəzintisi böyük bir vəhşi pişiyi xatırladır. Qulaqlar: Qulaqları geniş əsaslı, böyük və ucları itidir. Bəzi Kənan pişiklərinin qulaqlarında çıxıntı ola bilər və qulaqların arxa tərəfində naxışa bənzər bir iz kimi görünə bilər. Gözləri böyük və badamşəkilli olub, yetkin pişiklərdə həmişə yaşıl rəngdədir. Bəzən sarı-yaşıl rəng də ola bilər. Bütün Kənan pişiklərinin quyruq ucunda ən azı üç halqa olmalıdır. Quyruğun ən ucu və pəncə yastıqları, həqiqi meşə pişiyi kimi qara rəngdə olmalıdır.Tükləri qısa, az alt tüklü və yumşaq deyil, kobud toxumaya malikdir. Növün standartına görə, tükləri bejdən şokolad rənginə qədər dəyişə bilər. Kənan pişiyi 3,2–5,4 kq çəkiyə malik ola bilər. Bu ölçülər onları orta və iri ölçülü pişik növləri arasında yerləşdirir. Onların atletik və zərif bədən quruluşu, həmçinin fəal həyat tərzi bu çəki aralığına uyğundur. Növlər -Nöqtəli "seal" (spotted seal) -Şokolad-nöqtəli "seal" (chocolate-spotted seal) -Darçın-nöqtəli "seal" (cinnamon-spotted seal) -Mərmər "seal" (marbled seal) -Şokolad-mərmər seal (chocolate-marbled seal) -Darçın-mərmər seal (cinnamon-marbled seal) Xarakteri Kənan pişiyi insanlara yönəlmiş bir növdür. Temperamentli olsalar da, ev qaydalarına uyğunlaşmaq üçün asanlıqla təlim keçə bilərlər. Lakin onların inadkarlığı və özünə həddindən artıq inamı var. Qulluq Kənan pişikləri müntəzəm qulluq tələb etmirlər. Əksər pişiklər kimi, onlar da özlərini yaxşı təmizləyirlər. Onları çimizdirmək lazım deyil və əgər çimizdirməyə çalışılsa, aqressiv davrana bilərlər. Nadir hallarda təmizləmək lazım olduqda, pişik təmizləyici salfetlər daha yaxşı seçim ola bilər. Kənan pişikləri çox tük tökür, buna görə də onları həftədə ən azı bir dəfə daraqlamaq vacibdir. Tük tökülməsi əsasən yaz və payız aylarında daha çox olur, lakin bu pişikdən pişiyə dəyişə bilər. Bu dövrdə qayçılama seanslarını həftədə iki dəfəyə qədər artırmaq lazım ola bilər. Sağlamlıq Kənan pişikləri ümumiyyətlə çox sağlam hesab olunur. Lakin bu növ nadir və çox yeni bir növdür, buna görə də bu növ üçün ümumi olan bütün sağlamlıq problemləri hələ də məlum deyil. Növün populyarlıq qazandıqca, ən çox rast gəlinən sağlamlıq problemləri daha aydın olacaq. Hal-hazırda, Kənan pişikləri əsasən zədələrə meyllidirlər. Onların macəra həvəsi zədələrə və zəhərli maddələrin udulmasına səbəb ola bilər. Evi pişik üçün təhlükəsiz etmək vacibdir, lakin bütün zədələrin qarşısını almaq mümkün deyil.
https://animalia.bio/pets/kanaani
https://en.wikipedia.org/wiki/Kanaani_cat
https://cats.fandom.com/wiki/Kanaani
https://www.catster.com/cat-breeds/kanaani-cat/
https://www.where-my-pet.com/en-TZ/breeds/cat/breed-kanaani.html
https://www.petguide.com/breeds/cat/kanaani/
https://zoobonus.ua/en/breed/kanaani?srsltid=AfmBOootOF2LIq7pnC0P6mv2fstVu0H1LmZu-J9mBUuHnYRAJsMffkLn
http://wcf.info/WCF-EN/standard/shorthair/kanaani.html
https://m.kucing.biz/_kucing.php?_i=1&jenis=Kanaani-Canaan-Cat
https://www.petspoint.ru/pets/koshki-2/kanaani.html
https://cat-chitchat.pictures-of-cats.org/2008/10/kanaani-cat.html
https://askmycats.com/kanaani-cat/
https://petsi.net/cat-breeds/kanaani
https://petstory.ru/knowledge/cats/cat-breeds/kanaani/
Tarix : 22 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
