Keçəl tutuquşu (Pyrilia aurantiocephala) - Həmçinin narıncıbaş tutuquşu adlandırılan, tutuquşukimilər fəsiləsinə aid bir növ. Taksonomiya Bu tutuquşu əvvəlcə qara başlı olması ilə fərqlənən leşçi tutuquşunun (Pyrilia vulturina) yetkin fərdi kimi qəbul edilirdi. Bununla belə, həmin fərdlərin cinsi yetkin olduğu aşkar edildikdə, onlar yeni bir növ kimi təsvir edildi. Əslində, hər iki növün cavan fərdlərinin tüklü, yaşıl çalarlı başları olur və bunlar yetkin fərdlərin görünüşündən xeyli fərqlənir. Bu tutuquşu əvvəllər hazırda monodir (tək növlü) olan "Pionopsitta" cinsinə aid edilirdi. Tarix 1999-cu ildə braziliyalı tədqiqatçılar Amazon meşələrində kiçik yaşıl tutuquşunun nümunələrini toplamaq məqsədilə ekspedisiyaya başladılar. Nəticədə, onlar digər tutuquşularla birlikdə uçmayan və öz sürülərini yaradan cinsi yetkin narıncıbaş fərdlərlə qarşılaşdılar. Beləliklə, braziliyalı tədqiqatçılar bu yeni tutuquşu növünü "Pyrilia aurantiocephala" olaraq təsvir etdilər. Şərqi Amazon meşəsində keçəl tutuquşu yalnız son illərdə aşkar edilib və əvvəllər leşçi tutuquşu hesab olunurdu. Onun yeni növ olduğu, bu fərdlərin cinsi yetkinliyə çatdıqları müşahidə edildikdən sonra müəyyən edilib. Yayılması və yaşayış mühiti Keçəl tutuquşular Braziliyanın mərkəzi hissəsində, Aşağı Madeira çayı, Yuxarı Tapajoz çayı və Teles Pires çayı boyunca yerləşən rütubətli tropik aşağı meşələrdə yayılıb. Mühafizəsi Keçəl tutuquşular digər tutuquşuların sürüləri arasında uçurlar və onların ümumi populyasiya sayının 6 700 yetkin fərd olduğu təxmin edilir. Lakin meşələrin qırılması səbəbindən bu tutuquşulara nadir hallarda rast gəlinir. Cəmi 10 000 fərdin mövcud olduğu güman edilir. Təsvir Keçəl tutuquşu orta ölçülü, ümumilikdə yaşıl rəngli tutuquşudur. Başının tüksüz olması və qəhvəyi-narıncı rəngdə olması onu digər tutuquşulardan fərqləndirir. Pyrilia cinsinin digər nümayəndələrində olduğu kimi, onun da qırmızı altqanad örtükləri var. Bu xüsusiyyət tutuquşu oturarkən az nəzərə çarpır, lakin uçuş zamanı aydın görünür. Keçəl tutuquşular yüksək səslə "skii-skii-skii" və bir qədər burundan gələn "çau-çau-çau" kimi səslərlə ünsiyyət qururlar. Onların qidalanması çiçəklərdən, toxumlardan, meyvələrdən və həşəratlardan ibarətdir. Bu orta ölçülü tutuquşu tüksüz narıncı başı ilə tanınır. Onun dərisi parlaq narıncıdır, gözlərinin ətrafı isə daha açıq sarı rəngdədir. Boynunun ətrafında tünd qara çalar, aşağı boynunda isə yaşıl rəng müşahidə olunur. Qanadları yaşıl olub açıq sarı çalara malikdir, alt qarın nahiyəsində isə mavimtıraq rəng var. Bu tutuquşunun unikal rəng çalarları və keçəl başı ona adını vermişdir.
https://en.wikipedia.org/wiki/Bald_parrot
https://www.inaturalist.org/taxa/73320-Pyrilia-aurantiocephala
https://ebird.org/species/balpar1
http://www.arthurgrosset.com/sabirds/baldparrot.html
https://birdsoftheworld.org/bow/species/balpar1/cur/introduction
https://animalia.bio/bald-parrot
https://datazone.birdlife.org/species/factsheet/bald-parrot-pyrilia-aurantiocephala/details
https://xeno-canto.org/species/pyrilia-aurantiocephala
https://www.inaturalist.org/taxa/73320-Pyrilia-aurantiocephala/browse_photos
https://www.oiseaux.net/birds/bald.parrot.html
https://app.birda.org/species-guide/13089/Bald_Parrot
https://www.ecoregistros.org/site_en/imagen.php?id=134406
https://www.science.org/content/article/bald-bird-discovery
https://animals.fandom.com/wiki/Bald_Parrot
https://dibird.com/species/bald-parrot/
https://www.nathab.com/blog/bald-parrot/
https://zoologica.wordpress.com/tag/bald-parrot/
https://search.macaulaylibrary.org/es/catalog?taxonCode=balpar1&sort=rating_rank_desc
https://featuredcreature.com/what-unlucky-species-bald-parrot/
https://wiki.gen.edu.vn/en/Bald_parrot
Tarix : 30 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
