Karter Braun (ingiliscə: Carter Brown) - Əsl adı Alan Cefri Yeytsin olan, dedektiv ədəbiyyatı üzrə ingilis əsilli avstraliyalı yazıçı. Erkən həyatı O, 1 avqust 1923-cü ildə İngiltərənin Esseks şəhərinin İlford şəhərində, dəmir yolu məmuru Harri Tomas Yeyts və həyat yoldaşı Linda Enni (qızlıq soyadı Uillingeyl) ailəsində anadan olub. Alan "British Acoustic Films"də işləyirdi və burada filmləri 35 mm-dən 16 mm-ə çevirirdi. 1942-ci ilin sentyabrında "Kral Donanması"na qatılaraq, 6 iyun 1944-cü ildə Normandiya sahilinə desant çıxarılması da daxil olmaqla, əməliyyatlarda 504 saylı "Landing Craft Support (Large)" gəmisində xidmət etdi. 1945-ci ilin fevralında zabit rütbəsi aldıqdan sonra, "Şərqi Hindistan Donanması" və "Britaniya Sakit Okean Donanması"nda "HMS Euryalus" yüngül kreyserində on səkkiz ay keçirdi və burada ilk dəfə Avstraliyaya səfər etdi. 1947-ci ilin yanvarında İngiltərədə sub-leytenant rütbəsində tərxis olundu. 1945-ci ildə Sidneyə məzuniyyətə gələndə 18 yaşlı Deniz Sinclair MakKellar ilə tanış olmuşdu. Onlar 3 iyun 1946-cı ildə Yeni Cənubi Uels, Kremorn şəhərindəki Müqəddəs Çad Kilsəsində evləndilər. İngiltərədə o, səs operatoru kimi "British Acoustic Films"ə qayıtdı, bu iş ona zövq vermirdi. O, rədd edilən bəzi jurnal məqalələri və radio ssenariləri yazdı. Cütlük 1948-ci ildə Avstraliyaya qayıtdı. Satıcı, şərab şirkətində katib və qəzet köşkü təchizatçısı kimi işlədikdən sonra, Yeyts "Qantas Empire Airways Ltd." şirkətinə ictimaiyyətlə əlaqələr üzrə yazıçı kimi qoşuldu və burada onların aylıq uçuş jurnalını, eləcə də işçi jurnalını hazırlayırdı. Karyera Boş vaxtlarında o, "Invincible Press" tərəfindən qəbul edilən bir vestern yazdı və burada ona 20 funt sterlinq və ya hər 1000 söz üçün 1 funt sterlinq ödəndi. Tezliklə o, həmçinin "Horwitz Publications" üçün yazmağa başladı və burada "Paul Valdez" və "Tod Conway" təxəllüsləri ilə qorxu, elmi fantastika və detektiv hekayələr yazdı. Nəşriyyatçı onu cinayət janrı novellalarına və sonra da tammetrajlı detektiv romanlarına diqqət yetirməyə təşviq etdi, bunlardan birincisi "Murder is My Mistress" (1954) oldu. Bunlar "Peter Carter Brown" və "Peter Carter-Brown" təxəllüsləri ilə nəşr olundu. "Horwitz" ona müəlliflik hüququ qarşılığında həftəlik 30 funt sterlinq gəlir təmin edən müqavilə bağlayaraq onu, tam zamanlı yazıçı olmağa cəlb etdi. 1950-ci illərin ortalarında Yeyts ildə iyirmiyə yaxın kitab yazırdı; onlar həmçinin İngiltərədə və Finlandiyada nəşr olunurdu. 1958-ci ildə "New American Library" onun romanlarını ("The Body" ilə başlayaraq) "Signet" etiketi altında və müəllif "Carter Brown" kimi göstərilməklə nəşr etməyə başladı, bu ad Amerika bazarı üçün ən uyğun hesab edildi. Nəticədə onun kitabları alman və yapon da daxil olmaqla on dörd dilə tərcümə olundu. Məhşurluq Yeyts tezliklə ədəbi bir fenomen oldu. O, Todd Conway təxəllüsü ilə vesternlər və Paul Valdez təxəllüsü ilə elmi fantastika yazırdı. O, hətta öz adının müxtəlif variantları, habelə Dennis Sinclair və Sinclair MacKellar digər təxəllüsləri ilə kitablar yazmağa da vaxt tapdı. Lakin onun "Peter Carter Brown", daha sonra isə "Carter Brown" (ABŞ bazarı üçün "Peter" atıldı) təxəllüsü beynəlxalq ən çox satılan kütləvi ədəbiyyat müəllifi olacaqdı. Uğurları 1950-ci illərdə Carter Brunun qeyri-adi erkən uğuru, Yeytsin hər ay bir qısa roman və iki uzun roman yazmağa müqavilə bağlaması demək idi. Əslində, Yeyts həqiqətən də məhsuldar idi və müxtəlif olaraq Mayk Farrell, Endi Keyn, Mavis Seydlitz, leytenant Al Uiler, Rik Holman, Denni Boyd, Larri Beyker, Zelda Roksen və s. personajları əks etdirən çoxsaylı seriallar daxil olmaqla 322 nəşr olunmuş Carter Brown romanı yazmışdı. Lakin onun nəhəng məhsuldarlığına baxmayaraq, "Pix" jurnalında 1963-cü ildə dərc olunan profildə onun son tarixlərə "soyuq, boz İngilis Kanalının kənarında titrəyən uzaq məsafəyə üzgüçü kimi" yanaşdığı ortaya çıxdı. Yuxusuz üçüncü gecənin manik depressiv anlarında - son tarix çoxdan keçmiş və zehni blok beton kimi bərkimiş zaman, yazıçı qaçılmaz olaraq özünü təhlilə enir. O, əlbəttə ki, bunun sonuncu "Dexedrine" tabletindən daha çox kömək etməyəcəyini bilir, lakin yenə də sadəlövh ümidə sığınır ki, nədənsə, bir vaxt, o, indiki ümidsiz vəziyyətinin təkrarlanmasının qarşısını almaq üçün bir yol tapacaqdır. Əvvəlcə "Horwitz" və "Signet" tərəfindən nəşr olunan kitabları ABŞ-da cərəyan edirdi və ingilis dilində nəşr olunurdu. 1985-ci ildə Yeytsin nekroloqunda "The New York Times" qeyd etdi ki, o, "Birləşmiş Ştatlara getməzdən əvvəl ABŞ mənzərələri ilə təxminən 30 detektiv romanı yazıb. O, Amerika mühitini seçdiyini, çünki avstraliyalıların onları üstün tutduqlarını söylədi." Onun populyarlığının zirvəsində, Yeytsin Con F. Kennedinin sevimli müəlliflərindən biri olması barədə bir şayiə yayılmışdı. Bu şayiə onun Şimali Amerika bazarında satışlarını daha da artırmağa kömək etdi. Romanlar, həmçinin fransız, isveç, rus, fin, alman, portuqal, rumın, holland dilinə tərcümə olunduğu Avropada da populyar idi. Asiyada bəzi romanlar tay və yapon dilinə tərcümə olunmuşdu. 1954-cü ildən 1984-cü ilə qədər Yeyts 215 "Karter Braun" romanı və təxminən 75 novella yazmışdı.
https://en.wikipedia.org/wiki/Carter_Brown
https://www.australianliterarystudies.com.au/articles/an-interview-with-carter-brown
https://carterbrownfoundation.com/?page_id=58
http://authorscalendar.info/cbrown.htm
https://openlibrary.org/authors/OL1249739A/Carter_Brown
https://starkhousepress.com/brown.php
https://www.booktopia.com.au/blog/2021/12/10/rediscover-carter-brown-bestselling-pulp-fiction-sensation/?srsltid=AfmBOorJ3yHbPB3gEEaDGFfAIWlRarSK51AKINGC6rATcSYGvqIAySMB
https://readwatchplay.wordpress.com/2013/04/10/australian-crime-fiction-legend-carter-brown/
Tarix : 18 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
