Kane Korso - İtalyan mastifinə aid it cinsi. Ən çox yoldaş it və ya gözətçi iti kimi saxlanılır. Eyni zamanda mal-qaranı qorumaq üçün də istifadə oluna bilər. Tarixi "Beynəlxalq Kinologiya Federasiyası"nın cins standartına görə, Kane Korso, bir vaxtlar İtaliya yarımadasının böyük bir hissəsinə yayılmışdı, lakin yaxın keçmişdə yalnız İtaliyanın cənubundakı "Pugliya" bölgəsində tapılırdı. 1960-cı illərdə, "mezzadria" əkin sisteminin dağılması nəticəsində bu itlər nadir hala gəldi. Müasir cins, 1980-ci illərdən etibarən bir neçə sağ qalan heyvanın selektiv şəkildə yetişdirilməsi ilə inkişaf etdi. Cinsin cəmiyyəti, "Società Amatori Kane Korso", 1983-cü ildə yaradılmışdır. Cins 1994-cü ildə "Ente Nazionale della Cinofilia Italiana" tərəfindən tanındı və 1996-cı ildə müvəqqəti olaraq "Beynəlxalq Kinoloji Federasiyası"nda qəbul olundu. 2007-ci ildə isə tam qəbul edildi. 2010-cu ildə Amerika Birləşmiş Ştatlarında "Amerika Kennel Klubu" tərəfindən tanındı. 2011-2019-cu illərdə İtaliyada bu itlərin illik qeydiyyat sayı 3000 ilə 4250 arasında dəyişmişdir. Xüsusiyyətləri Kane Korso, "molossoid" tipli böyük bir itdir və "Neapolitan" mastifi ilə yaxından əlaqəlidir. Yaxşı inkişaf etmiş əzələləri ilə tanınan bu it, digər mastif cinslərindən daha az həcmlidir. Beynəlxalq standarta görə, Kane Korso itləri 62-70 sm boyunda və 45-50 kq ağırlığındadır. Dişi cinslər isə təxminən 4 sm daha kiçik və 5 kq daha yüngüldür. Başı böyük, kəlləsi düz olub, ağız boşluğuna yaxınlaşır. Gözləri oval formadadır və yaxşı ayrılmışdır, gözün bəbəyi mümkün qədər qara olmalıdır. Xəzi qısa, sıx və parlaqdır. Rəngləri qara, müxtəlif boz çalarlarında (qurğuşun-boz, açıq boz və ya şifer-boz), tünd qəhvəyi (tünd qəhvəyi, açıq qəhvəyi və ya geyik qırmızısı) və ya tünd buğdayı ('fromentino') ola bilər. Sinə, ayaq və burunda kiçik ağ ləkələrə rast gəlmək mümkündür. Sağlamlıq Genetik olaraq dirsək və omba "displaziyası"na, "patella luxasiyası"na, retinal "displaziya"ya meyllidir. Bu itlər, həmçinin "demodikoz", "ektropion", "entropion", "mədə dilatasiyası-volvulus" (şişkinlik), "hipotiroidizm", "idiopatik epilepsiya", "mikotik otit" və "niktitan vəzi prolapsı"na (albalı gözü) qarşı yüksək həssaslığa malikdir. 2017-ci ildə aparılan bir araşdırmada, 25 ölkədən 232 Kane Korso üzərində araşdırmalar aparılaraq, müxtəlif xəz rənglərinə görə dəyişən orta ömrün 9,3 il olduğu müəyyən edilmişdir. Ən uzun ömür sürənlər "qara brindle" (10,3 il), "brindle" (10,1 il), "boz brindle" (9,8 il), qara, qəhvəyi və boz rənglərdə olan (hamısı 9,0 il) fərdlərdir. Digər rəngli itlər isə 8,1 il yaşayır. 2024-cü ildə nəşr olunan bir araşdırma isə Birləşmiş Krallıqda bu cinsin ümumi ömrünü 8,1 il olaraq müəyyən etmişdir. Eyni ilin sonunda İtaliyada aparılan başqa bir araşdırma isə cinsin gözlənilən ömür uzunluğunun 9 il olduğunu göstərmişdir. İstifadəsi Keçmişdə, iri ov heyvanlarını ovlamaq və mal-qara sürmək üçün istifadə olunmuşdur. Bu cins işçi itləri kimi də qiymətləndirilir. Qeydiyyatdan keçmək üçün, itlər hücum etməyən qəriblərin yanında sakitliyini qorumaq, atəşə biganə qalmaq və sahibinin təcavüzkar müdafiəsinə aqressiv şəkildə cavab vermək kimi sınaqlardan keçməlidir.
https://en.wikipedia.org/wiki/Cane_Corso
https://a-z-animals.com/animals/cane-corso/
https://dogtime.com/dog-breeds/cane-corso
https://www.chewy.com/education/dog-breeds/cane-corso
https://www.britannica.com/animal/Cane-Corso
https://www.akc.org/expert-advice/dog-breeds/cane-corso-right-for-you/
https://www.petmd.com/dog/breeds/cane-corso
https://www.thesprucepets.com/cane-corso-dog-breed-1117915
https://www.webmd.com/pets/dogs/what-to-know-cane-corsos
https://www.pdsa.org.uk/pet-help-and-advice/looking-after-your-pet/puppies-dogs/large-dogs/cane-corso
https://www.petlebi.com/blog/cane-corso-ozellikleri-bakimi-ve-beslenmesi
https://spotpetinsurance.ca/blog/breed-tips/how-much-does-a-cane-corso-cost
Tarix : 6 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
