Kamboca tikiçi quşu (Orthotomus chaktomuk) - Kambocaya endemik bir quş növü. Ümumi məlumat Mekonq çayının daşqın düzənliyindəki, sıx kolluqlarla örtülü bir ərazidə məhdudlaşmışdır. İlk dəfə 2009-cu ildə Kambocanın paytaxtı Phnom Penhdə quş qripi yoxlamaları zamanı alimlər tərəfindən kəşf edilmiş və qeydə alınmışdır. 2013-cü ildə müstəqil bir növ olduğu müəyyən edilmiş və rəsmi şəkildə təsvir edilmişdir. Bu, başında narıncı-qırmızı kəkili olan təxminən 10 sm uzunluğunda çox kiçik bir quşdur. Kəşf Kamboca tikiçi quşu ilk dəfə 2009-cu ildə Kambocanın paytaxtı Phnom Penhdə quş qripi yoxlamaları zamanı kəşf edilmişdir. O vaxtdan bəri Phnom Penhin müxtəlif yerlərində, o cümlədən quş tədqiqatçısı Aşiş Conun onu fotoşəkilini çəkdiyi bir tikinti sahəsində də müşahidə edilmişdir. Onun çəkdiyi şəkil sonradan quşun təsvir edilməsində kömək etmişdir. 2012-ci ilin iyun ayında Con, "Wildlife Conservation Society", "BirdLife International", "Kanzas Universiteti", "Luiziana Ştat Universiteti" və "Sam Veasna Mərkəzi" ilə əməkdaşlığa başlayaraq quşun lələklərini, genetikasını və mahnısını araşdırmışdır. Bu testlər onun müstəqil bir növ olduğunu müəyyən etmişdir. Kamboca tikiçi quşunun rəsmi təsviri "Oriental Bird Club"ın "Forktail" jurnalının xüsusi onlayn buraxılışında dərc edilmişdir. Onun elmi adı (chaktomuk) Kxmer dilində "dörd üz" mənasını verən bir sözdən götürülmüşdür ki, bu da quşun tapıldığı yeri təsvir edir: Bassak çayı, Mekonq və Tonle Sapın birləşdiyi daşqın düzənliyi. Təsvir Kamboca tikiçi quşunun narıncı-qırmızı baş təpəsi və qara boğazı var. Bədəninin qalan hissəsi açıq və tünd boz rəngdədir. Uzunluğu 11–12 sm, çəkisi isə 6–8 qram arasındadır. Kamboca tikiçi quşu "yüksək səslə çağırışı" ilə tanınır ki, bu da tündboyun tikiçi quşunun çağırışına bənzəyir. Yaşayış mühiti Kamboca tikiçi quşu Mekong çayının daşqın düzənliyindəki kiçik bir sıx kolluq ərazisində yaşayır. Bu sıx kolluq yaşayış mühiti, böyük bir şəhərin kənarında yaşamasına baxmayaraq, uzun müddət kəşf edilməməsinin səbəbi olmuşdur. Bu, Kambocaya endemik olan iki quş növündən biridir, digəri isə Kamboca qarğa quşudur. Kamboca tikiçi quşunun kəşf edənləri, onun "Beynəlxalq Təbiəti Qoruma Birliyi"nin (IUCN) Qırmızı Siyahısında "Təhlükəyə Yaxın" kimi qeyd edilməsini tövsiyə etmişlər. Onlar bildirmişlər ki, bu növ şəhərləşmənin artması nəticəsində yaşayış mühitinin azalması riski ilə üzləşir. Yeni kəşf edilən növlərin əksəriyyəti belə təsnif edilir.
https://en.wikipedia.org/wiki/Cambodian_tailorbird
https://ebird.org/species/camtai1
https://xeno-canto.org/species/orthotomus-chaktomuk
https://www.bbc.com/news/science-environment-23044469
https://www.inaturalist.org/taxa/339743-Orthotomus-chaktomuk
https://www.birdguideasso.org/tour/chaktomuk-marshland/
https://datazone.birdlife.org/species/factsheet/cambodian-tailorbird-orthotomus-chaktomuk
https://samveasna.com/bird/cambodian-tailorbird/
Tarix : 19 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
