Espanola kaktus alaçöhrəsi (Geospiza conirostris) - "Thraupidae" fəsiləsinə aid olan bir quş növü. Bu quş Darvin alaçöhrələrindən biridir və Qalapaqos adalarına endemikdir. Xüsusilə Espanola, Genovesa, Darvin və Volf adalarında məhdudlaşır. Bu növ, daha kiçik və incə dimdiyə malik olan adi kaktus alacəhrəsinə bənzəsə də, bu iki növ heç bir adada birgə yaşamır. Yaşayış mühiti və davranış Espanola kaktus alaçöhrəsinin təbii yaşayış mühiti quru kolluqlardır və tez-tez yerdə görülür. Əsas qida mənbəyi "Opuntia" kaktusudur. Taksonomiya Espanola kaktus alaçöhrəsi Darvin alaçöhrələrinin bir növüdür. Bu qrup, Cənubi Amerika və Karibdə tapılan "Tiaris" ot alaçöhrələri ilə qohumdur. Bu ot alaçöhrələrinin əcdadı təxminən 2–3 milyon il əvvəl Qalapaqos adalarına gəlmişdir və Espanola kaktus alaçöhrəsi də, bu əcdaddan törəmiş növlərdən biridir. 2015-ci ildə aparılmış bir araşdırma göstərdi ki, Espanola kaktus alaçöhrəsii (G. conirostris) Genovesa kaktus alaçöhrəsi ilə deyil, böyük yer alaçöhrəsi ilə daha yaxından qohumdur. "Beynəlxalq Ornitoloqlar İttifaqı" taksonomiyanı bu araşdırma əsasında dəyişmişdir. Digər taksonomik mənbələr isə böyük kaktus alaçöhrəsini və Genovesa kaktus alaçöhrəsisini eyni növ kimi qəbul edir. Genetik növləşmə Espanola kaktus alaçöhrəsi (G. conirostris) ilk dəfə 1981-ci ildə "Dafne Mayor" adasında müşahidə edilmişdir. Piter və Rozmari Qrant tərəfindən qeydə alınmış bu quş, yerli alacəhrələr (G. fortis) ilə ilkin olaraq çarpaz çoxalsa da, sonrakı nəsillərdə bu davranışı dayandırmışdır. Yeni nəsillər müstəqil bir növə çevrilmişdir. Bu, alimlər tərəfindən sahədə birbaşa müşahidə edilən ilk növləşmə nümunəsidir. Sonrakı genetik araşdırmalar göstərir ki, dimdik forması (ALX1) və dimdik ölçüsü (HMGA2) ilə bağlı genlər hibridləşmiş növün yerli alaçöhrələrdən ayrılmasında mühüm rol oynayır. Quşların mahnıları ilə bağlı genlər də bu prosesdə iştirak edə bilər. Təsvir Espanola kaktus alaçöhrəsi Darvin alacəhrələrinin ən böyüklərindən biridir və uzunluğu təxminən 15 sm-dir. Erkək fərdlər qara rəngdə olub, ağ rəngli quyruqaltı örtüklərə malikdir. Dişi və cavan fərdlərin rəngi bozdan mat qaraya qədər dəyişir və tez-tez alt hissələrinin lələklərində ağ kənarlar görünür.
https://en.wikipedia.org/wiki/Espa%C3%B1ola_cactus_finch
https://ebird.org/species/larcaf2
https://datazone.birdlife.org/species/factsheet/espanola-cactus-finch-geospiza-conirostris
https://avibase.bsc-eoc.org/species.jsp?avibaseid=DA00C50A
https://avibase.bsc-eoc.org/species.jsp?avibaseid=058AD5CBF50478FA
https://datazone.darwinfoundation.org/en/checklist/?species=5092
https://www.oiseaux-birds.com/card-large-cactus-finch.html
https://www.inaturalist.org/taxa/9482-Geospiza-conirostris
Tarix : 26 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
