Kabo Verde qamışlıq qaratoyuğu (Acrocephalus brevipennis) - "Acrocephalus" cinsinə aid olan, "Köhnə Dünya" qaratoyuğu növü. Bu quş, Kabo Verde qamışlıq qaratoyuğu və ya Kabo Verde bataqlıq qaratoyuğu kimi də tanınır. Kreol dilində isə "tchota-de-cana" və ya "chincherote" (həmçinin "tchintchirote") adları ilə məşhurdur. Kabo Verde adalarından olan "Santiago", "Fogo" və "São Nicolau" adalarında çoxalır. Əvvəllər "Brava" adasında da, çoxalırdı. Bu növ yaxşı bitki örtüyü olan vadilərdə yaşayır və quraq ərazilərdən uzaq durur. Qamışlıqlarda yuva qurur və asılı yuvaya iki-üç yumurta qoyur. Təsvir Bu orta ölçülü bir qaratoyuq növüdür və Avrasiya qamışlıq qaratoyuğundan daha böyükdür. Görünüş etibarilə o quşa bənzəyir: üst tərəfi boz-qəhvəyi, alt tərəfi isə boz-ağ rəngdədir və heç bir aşkar işarəsi yoxdur. Kabo Verde adalarında coğrafi təcrid olunması səbəbindən digər oxşar növlərlə qarışıqlıq yaranmır. Oxuma tərzi fərqlidir və mayabülbülün oxumasını xatırladan maye şırıltıya bənzəyir. Yayılması və yaşayış yeri Bir zamanlar Kabo Verde qamışlıq qaratoyuğunun yalnız "Santiago" adasında məhdudlaşdığı düşünülürdü. Lissabon muzeyində bir nümunə tapıldıqdan sonra 1998-ci ildə "São Nicolau" adasında araşdırma aparıldı və burada bir neçə fərd aşkar edildi. 2004-cü ildə "Fogo" adasında əlavə bir populyasiya kəşf edildi və sonrakı araşdırmalar göstərdi ki, bu quş adanın şimal hissəsində təxminən 1300 metr yüksəkliyə qədər geniş yayılıb. "Santiago" adasında isə bütün adada, o cümlədən "Barragem de Poilão", "S. Jorge", "Serra Malagueta", "Rui Vaz" və "Tarrafal" kimi yerlərdə rast gəlinir. Əvvəllər əsasən meşə və kolluqlarla məhdudlaşdığı düşünülsə də, indi yaxşı bitki örtüyü olan vadilər, qamışlıqlar, əkin sahələri və su mənbələri (məsələn, bəndlər) ətrafında da, müşahidə edilir. Status Kabo Verde qamışlıq qaratoyuğunun populyasiya trendinin azalmaqda olduğu düşünülür. Bunun səbəbi əsasən yaşayış mühitinin məhv edilməsi və adaları bürüyən quraqlıqlardır. Məhdud yayılma sahəsi və nisbətən kiçik populyasiya səbəbindən bu quş, "Beynəlxalq Təbiəti Qoruma İttifaqı" tərəfindən "həssas" növ kimi qiymətləndirilmişdir.

İstinadlar

https://ebird.org/species/cvswar1

https://en.wikipedia.org/wiki/Cape_Verde_warbler

https://xeno-canto.org/species/acrocephalus-brevipennis

https://datazone.birdlife.org/species/factsheet/cape-verde-swamp-warbler-acrocephalus-brevipennis

https://www.inaturalist.org/taxa/116766-Acrocephalus-brevipennis

https://avibase.bsc-eoc.org/species.jsp?avibaseid=AAABFBE86E4946F5

https://animalia.bio/index.php/cape-verde-warbler

https://app.birda.org/species-guide/25509/Cape_Verde_Warbler

https://www.oiseaux.net/maps/cape.verde.warbler.html

Tarix : 19 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.