Humbot vağı ("Ardea humbloti") - Həmçinin Madaqaskar vağı kimi tanınan, vağlar fəsiləsinə aid bir quş növü. Adətən Madaqaskarın şimal və qərb sahillərində tapılır, lakin Komor adalarında və Mayottada da, mövcuddur. Humbot vağı populyasiyasının azalması səbəbindən nəsli kəsilmək təhlükəsi altında olan bir növ hesab edilir. Vağın qarşılaşdığı əsas təhlükələr ovlanma, yaşayış mühitinin məhv edilməsi və su zambağı kimi yad növlərin işğalıdır. Taksonomiya Humbot vağı "Ardeinae" yarımfəsiləsinə daxildir, hansı ki, "tipik vağlar" kimi tanınır. Humbot vağının boz vağın daha tünd bir morfu ola biləcəyi irəli sürülmüşdür, lakin bu iddia uğurla rədd edilmişdir. Humbot vağı 1885-ci ildə Henri Milne-Edwards və Alfred Grandidier tərəfindən rəsmi şəkildə təsvir edilmişdir. Madaqaskarın yerli dillərində Humbot vağı üçün "Kisirano", "Langaro" və "Langaroko" kimi adlar istifadə olunur, lakin bu adlar həmçinin boz vağ kimi digər vağ növləri üçün də istifadə edilir. Elmi adı fransız təbiətşünası Leon Humbota həsr edilmişdir. Təsvir Humbot vağının bədəni vahid tünd boz lələklərlə örtülüdür, alnı və çənəsi isə daha tünd rəngdədir. Ənsə lələkləri uzun olaraq kəkilli bir quruluş yaradır. Böyük, açıq rəngli dimdiyi, həmçinin açıq rəngli gözləri və ayaqları var. Humbot vağının hündürlüyü 92-100 sm-dir. Bədən çəkisi 1-1,6 kq arasında dəyişir. Dimdiyinin uzunluğu 13-14,93 sm, dərinliyi isə 2,45-2,69 sm arasındadır. Yayılması və yaşayış mühiti Humbot vağı Madaqaskar adasına endemikdir və əsasən cənub, qərb və şimal Madaqaskarın sahil ovalıqlarında tapılır. Kiçik populyasiyalar Komor adalarında və Mayottada da müşahidə edilmişdir. Tanzaniyada bir qoruqda qeydə alınmış və qəbul edilmiş bir müşahidə var. 2006-cı ildə Madaqaskarda Humbot vağının ümumi populyasiyası 1,000-3,000 fərd arasında qiymətləndirilmişdir. Humbot vağı şirin, duzlu və ya duzlu su bataqlıqlarında yaşayır. Qabarma sahələrini üstün tutur, lakin həmçinin göllərdə, çaylarda, manqrov meşələrində və estuariyalarda da tapılır. Əsasən aşağı yüksəkliklərdə rast gəlinir, lakin 1,500 metr yüksəkliyə qədər qeydə alınıb. Köç etmir, lakin uzun məsafələrə səpələnə bilir, məsələn, Afrika qitəsindəki mövcudluğu bunu göstərir.
https://ebird.org/species/humher1
https://en.wikipedia.org/wiki/Humblot%27s_heron
https://www.inaturalist.org/taxa/4971-Ardea-humbloti
https://www.oiseaux-birds.com/card-humblot-s-heron.html
https://birdsoftheworld.org/bow/species/humher1/cur/introduction?lang=es&media=photos
https://animalia.bio/humblots-heron#google_vignette
https://observation.org/observation/73105288/
https://www.oiseaux.net/birds/humblot.s.heron.html
Tarix : 3 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
