Holaspis laevis kərtənkələsi - ümumi adı ilə şərq dişli ayaqlı ağac kərtənkələsi və ya şərq neon mavi quyruqlu ağac kərtənkələsi, Sierra Leone, Qana, Nigeriya, Kamerun, Ekvatorial Qvineya, Konqo Demokratik Respublikası, Uqanda, Tanzaniya, Malavi və Mozambikdə yayılmış bir kərtənkələ növüdür. H. laevis əvvəllər yalnız H. guentheri-nin yarımnövü idi. Etimologiya Latın sözü olan "laevis" hamar deməkdir. Tutulması Ev heyvanı ticarətində olan demək olar ki, bütün Holaspis nümunələri H. laevis-dir. Əsarətdə yetişdirilmə Holaspis-in biologiyası haqqında məlumatın artmasına səbəb olmuşdur. Çoxalma "Köln Akvariumunda" Tanzaniyadan olan bir H. laevis dişisi 14 noyabr, 22 dekabr, 24 fevral və 5 aprel tarixlərində bir-iki yumurta qoydu. Yalnız bir yumurta 54 günlük inkubasiyadan sonra açıldı. Yumurtaların inkubasiyası Kroniger & Bosch (2001) tərəfindən daha uğurla həyata keçirilmişdir. H. laevis dişiləri yumurtalarını qabıq altına qoyurdu. Kürü demək olar ki, həmişə iki yumurtadan ibarət idi, nadir hallarda gənc dişilər tərəfindən yalnız bir yumurta qoyulurdu. Onlar il ərzində hər dörd-altı həftədən bir kürü qoyurdular. Yumurtaların ölçüsü (6.0 - 7.2) mm x (11.3 - 12.9) mm və çəkisi (0.30 - 0.38) q olurdu. 29 °C temperaturda inkubasiya müddəti 55–57 gün idi. Çıxan balaların burundan anal çıxıntıya qədər olan uzunluğu 21–24 mm, quyruq uzunluğu 30–35 mm və çəkisi 0.23–0.25 q olurdu. Əsarətdə cinsi yetkinlik 1.5–2 ildə əldə edilir.
https://reptile-database.reptarium.cz/species?genus=Holaspis&species=laevis
https://uk.inaturalist.org/taxa/35970-Holaspis-laevis
https://www.lacerta.de/AF/Bibliografie/BIB_4493.pdf
https://animalia.bio/holaspis-laevis
https://www.lacerta.de/AS/Taxon.php?Genus=52&Species=288
https://gallotia.de/AF/Bibliografie/BIB_13111.pdf
https://en.wikipedia.org/wiki/Holaspis_laevis
Tarix : 9 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
