Harstad — Norveçin Troms dairəsində, Harstad bələdiyyəsində yerləşən şəhərdir. Şəhər həmçinin Harstad bələdiyyəsinin inzibati mərkəzidir. Sahəsi 11,46 km² olan şəhərin 2023-cü ildə əhalisi 21 289 nəfər, şəhər ərazisinin isə 31 404 nəfər əhalisi olmuşdur. Əhalinin sıxlığı 1 km²-ə 1858 nəfər təşkil edir. Harstad Troms dairəsinin Tromsö şəhərindən sonra ikinci ən böyük şəhəri, Mərkəzi Holoqalandın isə ən böyük şəhəridir. Şəhər böyük Hinnöya adasının şimal-şərq hissəsində, Voqsfyorden sahilində yerləşir. Şəhər Gansas, Grönnebakkan, Kanebogen, Medkila, Sama, Seljestad, Kilhus, Stangnes və Trondenes daxil olmaqla bir neçə ərazidən ibarətdir. Şəhərdə Norveç kilsəsinə aid iki kilsə — Harstad kilsəsi və Kanebogen kilsəsi yerləşir. Tarixi Trondenes kilsəsi şəhərin şimal kənarında, Trondenes qalasının yaxınlığında yerləşir. Tarixi 1904-cü il yanvarın 1-də Harstad kəndinə ladested kimi şəhər statusu verildi. Həmin tarixdə yeni şəhər Trondenes bələdiyyəsindən ayrılaraq ayrıca şəhər-bələdiyyə oldu. İlkin olaraq Harstad şəhərinin 1246 sakini var idi. Harstad şəhəri 1904-cü il yanvarın 1-dən 1963-cü il dekabrın 31-dək ayrıca bələdiyyə kimi mövcud olmuşdur. 1960-cı illərdə Şey komitəsinin fəaliyyəti nəticəsində Norveçdə çoxsaylı bələdiyyə birləşmələri həyata keçirildi. 1964-cü il yanvarın 1-də Harstad şəhəri (əhalisi: 3808 nəfər) şimalda yerləşən Trondenes bələdiyyəsi (əhalisi: 6567 nəfər) və cənubda yerləşən Sandtorg bələdiyyəsi (əhalisi: 7512 nəfər) ilə birləşdirilərək daha böyük Harstad bələdiyyəsi yaradıldı. Adı Şəhər (və bələdiyyə) qədim Harstad ferması "Harðarstaðirın" adını daşıyır, çünki şəhər vaxtilə həmin fermanın yerləşdiyi ərazidə salınmışdır. Adın ilk elementi (ehtimal ki) kişi adı Hǫrðr sözünün yiyəlik halındadır. Sonuncu element olan staðir "yaşayış evi" və ya "ferma" mənasını verir. 2017-ci il fevralın 6-da Harstad bələdiyyəsi, bələdiyyə üçün sami dilində ikinci rəsmi ad olan "Hárstták" adını qəbul etdi. Sami dilində adın yazılışı onun işlənməsindən asılı olaraq dəyişir. Ayrı yazıldıqda Hárstták, "Harstad bələdiyyəsi"nin sami dilində qarşılığı kimi işlədildikdə isə Hársttáid suohkan formasında yazılır. Nəqliyyat Harstad şəhərinə şəhərdən 44 km cənubda yerləşən Harstad/Narvik hava limanı xidmət göstərir. Hava limanından Oslo, Trondheym, Bude, Tromsö və Andenes şəhərlərinə müntəzəm uçuşlar həyata keçirilir. İqlim Harstad stadionu (1991–2020, 45 m; orta maksimum və minimum 2007–2025, rekordlar 2002–2025) Ay Yan Fev Mar Apr May İyun İyul Avq Sen Okt Noy Dek İl Rekord maksimum (°C) 8,8 9,2 10,9 16,9 24,7 29,6 31,7 31,5 25,9 17,5 13,8 9,8 Orta maksimum (°C) 0,2 0,5 2,3 5,5 10,5 14,2 17,6 16,4 12,7 7,1 3,6 1,6 Orta temperatur (°C) −1,8 −2,2 −0,7 2,4 6,6 9,9 13,2 12,4 8,9 4,3 1,4 −0,5 Orta minimum (°C) −4,5 −4,3 −3,1 −0,4 3,9 7,7 10,6 10,1 7 2,6 −0,7 −2,9 Rekord minimum (°C) −15,4 −16,1 −13,3 −9,4 −3,7 −0,6 4,6 1,7 −1,6 −7,9 −10,3 −14,5 Yağıntı (mm) 129 95 100 53 44 39 55 58 77 94 78 90 Mənbələr: Seklima, Eklima/met.no və Yr Media qalereyası Şəhərin şimal hissəsi Şəhər mərkəzi Harstad qışda Gangsåstoppendən görünüş Gecə görünüşü Harstad kilsəsi Şəhərin Gangsatoppendən görünüşü Həmçinin bax Oslo Tromsö Förde Qrimstad Yövik İstinadlar

İstinadlar

https://az.wikipedia.org/wiki/Harstad

https://geohack.toolforge.org/geohack.php?language=az&pagename=Harstad&params=68_47_56_N_16_31_53_E_scale:100000_type:city

https://maps.google.com/maps?ll=68.79889,16.53139&q=68.79889,16.53139&spn=0.1,0.1&t=h&hl=az

https://yandex.ru/maps/?ll=16.53139,68.79889&pt=16.53139,68.79889&spn=0.1,0.1&l=sat,skl

https://www.openstreetmap.org/?mlat=68.79889&mlon=16.53139&zoom=12

https://stadnamn.kartverket.no/fakta/139510

https://web.archive.org/web/20241218052228/https://stadnamn.kartverket.no/fakta/139510

Tarix : 29 sentyabr 2026