Emil Doeplerin (təxminən 1905) təsvir etdiyi, Raqnarökdən sonra yenidən yaranan dünya. Gimle bu yeni dünyanın salehlərin yaşayacağı məkanı kimi təsvir olunur. Gimle (q.skan. Gimlé; islandca: isl. Gimli) — German-skandinav mifologiyasında Raqnarökdən sonra sağ qalan saleh insanların yaşayacağı öncədən xəbər verilən müqəddəs məkandır. O, həm Kiçik Eddada, həm də Poetik Eddanın Völuspá poemasında xatırlanır və Asqarddakı ən gözəl məkan, hətta Günəşdən də gözəl yer kimi təsvir olunur. Etimologiyası Gimle adının etimologiyası tam müəyyən edilməmişdir. Ən geniş qəbul edilən izaha görə, ad qədim nord dillərindəki gimr («od») və hlé («sığınacaq», «qorunan yer») sözlərindən yaranmışdır və «oddan qorunan məkan» mənasını verir. Alim Li M. Hollander isə adın daha çox «qiymətli daşlarla örtülmüş dam» və ya «cəvahir dam» mənasını ifadə etdiyini irəli sürmüşdür. Təsviri Asqardda yerləşən Gimle qızıl damlı möhtəşəm bir saraydır. Saleh və fəzilətli insanlar öldükdən sonra burada yaşayırlar. Nəsr Eddanın Gylfaginning bölməsində Snorri Sturluson Gimleni yalnız işıq elfələrinin yaşadığı üçüncü səma olan Viðbláinnda yerləşdirir. Snorrinin sitat gətirdiyi Völuspá poemasında isə qızıl salonun Gimle adlanan bir dağın üzərində yerləşdiyi bildirilir; yəni Gimle binanın özü deyil, onun yerləşdiyi məkan kimi təqdim olunur. Snorri Gimleni bütpərəstlərin cənnəti kimi təqdim edir. Li M. Hollander və Rudolf Simek kimi tədqiqatçılar Gimlenin təsvirinin xristian ənənəsindəki Səmavi Yerusəlim anlayışından təsirləndiyini qeyd etmişlər. Ursula Dronke isə hesab edir ki, salehlərin birlikdə yaşadığı cənnət ideyası qədim german-skandinav ənənəsindəki Valhalla ilə bağlı olsa da, Völuspá poemasının müəllifi və ya onun ənənəsi Gimle adını həm Surtrun Raqnarök zamanı yaratdığı alovlardan, həm də xristian cəhənnəminin odlarından qorunan müqəddəs məkanı ifadə etmək üçün yaratmışdır. Həmçinin bax Asqard Raqnarök Valhalla İqqdrasil Kiçik Edda Niflheym German-skandinav mifologiyası İstinadlar Mənbələr Bellows, Henry Adams (1923). The Poetic Edda. Scandinavian Classics. Vol. 21–22. Davidson, H. R. Ellis (1990) . Gods and Myths of Northern Europe. Penguin. ISBN 978-0-14-013627-2. Dronke, Ursula (2001) . The Poetic Edda. Vol. II: Mythological Poems. Oxford University Press. ISBN 9780198111818. Hollander, Lee M. (1988) . The Poetic Edda. University of Texas Press. ISBN 9780292764996. Lindow, John (2002) . Norse Mythology: A Guide to the Gods, Heroes, Rituals, and Beliefs. Oxford University Press. ISBN 9780195153828. Nordic Names. Gimlé. Simek, Rudolf (2000) . Dictionary of Northern Mythology. Translated by Angela Hall. D. S. Brewer. ISBN 9780859915137.
https://az.wikipedia.org/wiki/Gimle
https://kids.britannica.com/students/article/Gimle/311414
https://www.stromma.com/globalassets/sweden/stockholm/product_menus/glamping-pa-birka/gimle_en.pdf
https://berloga-workshop.com/blog/368-gimle.html
Tarix : 23 iyul 2026
