Fenrir - Skandinaviya mifologiyasının ən məşhur və qorxulan fiqurlarından biri. Nəhəng bir qurd olan Fenrir, Lokinin oğludur. Fenririn hekayəsi mifoloji canavardan daha çox, güc, azadlıq dünyanın sonu (Ragnarok) kimi dərin mövzularla bağlıdır. Fenririn hekayəsi, xüsusilə Ragnarok (dünyanın sonu) hadisələri ilə əlaqələndikdə daha da əhəmiyyətli olur. Fenririn doğumu və ailəsi Fenrir, Lokinin nəhəng bir qadın olan Angrbodadan olan üç övladından biridir. Angrbodanın digər iki ovladı nəhəng ilan Jörmungandr və ölüm dünyasının tanrıçası Heldir. Bu uşaqların hər biri, Skandinav tanrılarına qarşı böyük bir təhdid yaratmış və tanrılar onları nəzarət altına almaq üçün müxtəlif addımlar atmağa başlamışdır. Fenririn atası Loki ən hiyləgər və təhlükəli varlıq, anası Angrboda isə nəhənglərin soyundandır. Bu səbəbdən Fenrir həm nəhənglərin qanını daşıyır, həm də tanrıların düşməni kimi böyüyür. Fenririn gücü və tanrılarla münasibəti Fenririn fiziki gücü çox böyük idi. Tanrılar, Fenririn sürətlə böyüdüyünü gördükcə ondan qorxmağa başladılar. Bunun əsas səbəbi isə kahinlərdən birinin Fenririn böyüməsinin tanrıların sonu olacağı kəhanətini söyləməsi olmuşdur. Tanrıların qorxusu, Fenriri öldürmək və ya zəncirləmək planlarını həyata keçirmələrinə səbəb oldu. Fenririn zəncirlənməsi Fenrir, tanrıların qorxularını hər keçən gün artırdıqca, tanrılar ona zəncir hazırlamaq qərarına gəldilər. İlk əvvəl, onu Laeding adlı bir zəncirlə bağlamağa çalışdılar, amma Fenrir bu zənciri asanlıqla qırdı. Daha sonra tanrılar daha güclü bir zəncir olan Dromini hazırlatdılar. Lakin Fenrir onu da qırmağa müvəffəq oldu. Son olaraq tanrılar, dövrün ən möhkəm zəncirini hazırlatdılar, zəncirin adı Gleipnir idi. Bu zəncir cırtdanlar tərəfindən hazırlanmışdı sehrli xüsusiyyətlərə malik idi. Gleipnir çox nazik, lakin güclü və davamlı idi, bu səbəbdən Fenririn zəncirlənməsini təmin edə bildi. Tanrıların bu zənciri hazırlatmaq üçün cırtdanlardan kömək istəməsi, cırtdanların sehrli qabiliyyətlərinə olan inamdan irəli gəlirdi. Zəncirin hazırlanmasında istifadə olunan materiallar və cırtdanların mütəxəssisləri tərəfindən yaradılan sehrli xüsusiyyətlər, Fenririn mübarizə aparmaq üçün çox çətinlik çəkdiyi bir zənciri meydana gətirdi. Bu zəncirləmə əməliyyatını tanrılar, əsasən Tyr adlı döyüş tanrısının köməyi ilə həyata keçirdilər. Tyr, Fenririn başına gələcək əzabları bilsə də, onu sərbəst buraxmaq üçün bir çarə tapmadı və zəncirləmə mərasiminə qatıldı. Fenrir zəncirləndikdən sonra, onu Jotunheimdə (nəhənglərin yurdu) dağlara aparıb öz taleyi ilə baş-başa buraxırlar. Fenririn gələcəyi: Ragnarok Fenririn zəncirlənməsi, tanrıların ona duyduğu qorxunun nəticəsi idi. Lakin, Fenririn həqiqi gücü və taleyi Ragnarok ilə bağlıdır. Bu böyük qiyamət döyüşündə, Fenrir zəncirdən qurtulacaq daha nəhəng bir qurd olaraq qarşıya çıxacaq və Odini öldürəcək. Fenririn bu hərəkəti tanrıların sonunu gətirəcək mühüm bir hadisədir. Mifoloji süjetlərdə Fenririn ölümünün Odinin oğlu Vidarın əlindən olacağı vurğulanır. Fenririn simvolları Fenrir, bir çox məna daşıyan personaj kimi diqqəti cəlb edir. O, bir tərəfdən tanrıların qorxduğu nəhəng bir varlıq olsa da, digər tərəfdən azadlıq və güc istəyinin simvoludur. Fenririn hekayəsi zaman-zaman tanrıların basqılarından qaçan bir varlığın içindəki qəzəb və intiqam hisslərini nümayiş etdirir. Fenrir həmçinin təbii gücün, məğlubedilməzliyin və azadlıq mübarizəsinin simvoludur. O, bir tərəfdən təbiətin dağıdıcı güclərini, digər tərəfdən isə intiqam və qəzəbin necə böyük bir gücə çevrilə biləcəyini simvollaşdırır. Fenririn imici, xüsusilə gücün və qəzəbin simvolu olaraq kino və ədəbiyyatda müxtəlif sahələrdə qarşımıza çıxır. Fenririn dağıdıcı gücü və azadlıq axtarışı müasir şərhlərdə insanın daxilindəki ən dərin qorxuları və istəkləri də təmsil edir.
https://en.wikipedia.org/wiki/Fenrir
https://geekyapar.com/tanrilarin-korkulu-ruyasi-lokinin-cocuklari/
https://www.britannica.com/topic/Fenrir
https://www.worldhistory.org/trans/tr/1-19670/iskandinav-savas-tanrisi-tyr/
https://blackdragontavern.com/the-binding-of-fenrir/
https://www.vikingtimes.co.uk/norse-mythology/animals-in-norse-mythology/wolves-in-norse-mythology/fenrir/
Tarix : 9 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
