Erskine Preston Kaldvel - (17 dekabr 1903 – 11 aprel 1987) amerikalı roman və hekayə yazarı. Ümumi məlumat Cənubi ABŞ-da yoxsulluq, irqçilik və sosial problemlər haqqında yazdığı əsərləri, "Tobacco Road" (1932) və "God's Little Acre" (1933) kimi romanları ilə tanınmış və tənqidçilər tərəfindən yüksək qiymətləndirilmişdir. Toplam 10 milyon və 14 milyon nüsxə satılan "Tobacco Road" və "God's Little Acre" əsərləri, amerikalı ən çox satılan romanlar arasında yer alır, "Tobacco Road" 1933-cü ildə "Broadway"-də ardıcıl tamaşalar üçün rekord qırmış, amma bu rekord daha sonra aşılmışdır. Erkən illər Kaldvel 17 dekabr 1903-cü ildə Corciya ştatının Coweta bölgəsindəki White Oak adlı kiçik bir şəhərdə anadan olub. O, "Associate Reformed Presbyterian" kilsəsinin keşişi Ira Silvester Kaldvel və məktəb müəllimi Karolina Preston (qızlıq soyadı Bell) Kaldvelin tək övladı idi. Keşiş Kaldvelin işləri ailəni tez-tez köçürməyə məcbur edirdi və onlar Florida, Virciniya, Tennesi, Cənubi Karolina və Şimali Karolina kimi yerlərdə yaşamışlar. O, 15 yaşında olarkən ailəsi Corciya ştatının Wrens şəhərinə köçüb. Anası Karolina Virciniyadan idi və onun nəsilləri İngiltərə aristokratiyasına aiddir, bu nəsil Virciniyanın şərqində böyük torpaq sahələri sahibiydi. İngilis və Skot-İrlandiyalı nəsilləri Amerika İnqilabında iştirak etmişlər. Ira Kaldvelin nəsli də Skot-İrlandiyalı idi və onlar da İnqilabdan əvvəl Amerikaya gəlmişdilər və döyüşdə iştirak etmişdilər. Karolina, oğluna evdə təhsil verirdi. Kaldvel 14 yaşında ilk dəfə məktəbə gedib. Kaldvel, yaxınlıqdakı Cənubi Karolina ştatındakı "Erskine Kolleci"ndə təhsil alıb, amma heç vaxt məzun olmayıb. Karyera Kaldvel "Erskine Kolleci"ni tərk edib və Mərkəzi Amerikanın silahlarla təmin olunmasına xidmət edən bir gəmidə işləyib. Sonra o, "Vircinya Universiteti"ndə təqaüd qazandı və orada yalnız bir il oxudu. Daha sonra futbolçu, bədən qoruyucusu və "pis" daşınmaz əmlak satıcısı olub. İki dəfə daha kollecə daxil olduqdan sonra Kaldvel "Atlanta Journal"da işləməyə başlayıb, burada bir il işlədikdən sonra 1925-ci ildə ayrılıb və Maynə köçüb. Burada beş il qalaraq, "Yale Review" mükafatı qazanan bir hekayə yazmış və Corciya kasıblarından bəhs edən iki roman yazıb. Əsərləri Kaldvelin ilk nəşr olunan əsərləri "The Bastard" (1929) və "Poor Fool" (1930) olub, amma onun ən məşhur romanları "Tobacco Road" (1932) və "God's Little Acre" (1933) ilə tanınır. Onun ilk kitabı "The Bastard" qadağan edilib və əsərin nüsxələri hakimiyyət orqanları tərəfindən müsadirə olunub. 1941-ci ildə Kaldvel, "Life" jurnalı, "CBS" radio və "PM" qəzetində SSRİ-dən reportajlar yazıb. O, "You Have Seen Their Faces" (1937), "North of the Danube" (1939) və "Say, Is This The USA" (1941) kimi üç foto-sənədli layihədə fotoqraf Maqaret Burk-Vayt ilə əməkdaşlıq edib. Kaldvel, Meksika və Çexoslovakiyadan "North American Newspaper Alliance" üçün məqalələr yazıb. Şəxsi həyat 1930-cu illərdə Kaldvel və ilk həyat yoldaşı Helen, Maynda bir kitabxana idarə edirdilər. Ayrıldıqdan sonra Kaldvel fotoqraf Maqaret Burk-Vayt ilə evlənib və onların birgə işlədikləri üç foto-sənədli layihəsi olub: "You Have Seen Their Faces" (1937), "North of the Danube" (1939) və "Say, Is This The USA" (1941).
https://en.wikipedia.org/wiki/Erskine_Caldwell
https://www.britannica.com/biography/Erskine-Caldwell
http://authorscalendar.info/caldwell.htm
https://www.georgiawritershalloffame.org/honorees/erskine-caldwell
https://www.georgiaencyclopedia.org/articles/arts-culture/erskine-caldwell-1903-1987/
https://www.portlandmonthly.com/portmag/erskine-caldwell/
https://ugapress.org/book/9780820316949/the-stories-of-erskine-caldwell/
https://montgomery.dartmouth.edu/erskine-caldwell
https://www.southernliterarytrail.org/writers/erskine-caldwell
https://kids.britannica.com/students/article/Erskine-Caldwell/310504
Tarix : 17 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
