Ərəb qızılqanad quşu (Rhynchostruthus percivali) - Səudiyyə Ərəbistanı, Oman və Yəməndə rast gəlinən quş növü. Bəzi mənbələr onu "R. socotranus" növünün yarımnövü kimi qəbul etsə də, son dövrlərdə üç qızılqanad quşu populyasiyası adətən ayrı-ayrı növlər kimi qiymətləndirilir. Təsvir Erkək fərdlərin ümumi rəngi boz-qəhvəyidir və qara dimdiyə malikdirlər. Başları qəhvəyi rəngdədir, tünd boz maska və ağ yanaqları var. Qanadlarında və quyruğunda böyük, parlaq sarı ləkələr mövcuddur. Dişi fərdlər erkəklərə bənzəsə də, bir qədər solğundur. Cavan fərdlər isə zolaqlı görünüşə malikdir və yetkinlərin fərqli baş naxışından məhrumdur. Ekologiya Ərəb qızılqanad quşu adətən dəniz səviyyəsindən 1,060 ilə 2,800 metr yüksəklikdə, meşəli vadilərdə və kolluqlu ərazilərdə yaşayır. Onun yayılma arealı Omanın Zofar bölgəsini, Yəmənin şərqindəki Məhra bölgəsini və Yəmənin şimal dağlarını əhatə edir. Səudiyyə Ərəbistanında isə Tayf yaxınlığındakı Əl-Hara qədər uzanır. Burada 26-27 aprel 1996-cı ildə bir və ya iki quş müşahidə edilmişdir. Cənub-qərbi Səudiyyə Ərəbistanında bu quş qədim Şərqi Afrika ardıc (Juniperus procera) meşələrində yaşayır. Yəməndə sütləyən (Euphorbia) kolluqlarında və akasiya (Acacia) və ardıc (Juniperus) meşələrində qeydə alınıb. Məhra bölgəsində isə əsasən Anogeissus/Commiphora meşələrində rast gəlinir. Ardıc, akasiya və sütləyən bitkilərinin meyvələri onun əsas qidasını təşkil edir. Qorunma Bu quş növü bütün yayılma arealında aşağı sıxlıqda mövcuddur. Populyasiya təxminən 9000 fərddən ibarətdir, lakin yaşayış mühitinin məhv olması səbəbindən nadir görünən növlərdən birinə çevrilib. Buna görə də, 2008-ci il "IUCN" "Qırmızı Siyahısı"nda ilk dəfə müstəqil növ kimi qiymətləndirildikdə "Təhlükəyə Yaxın" kateqoriyasına daxil edilib.

İstinadlar

https://en.wikipedia.org/wiki/Arabian_golden-winged_grosbeak

https://www.birdsofsaudiarabia.com/2015/07/arabian-golden-winged-grosbeak-maysaan.html

https://ebird.org/species/gowgro2

https://www.inaturalist.org/taxa/111784-Rhynchostruthus-percivali

https://birdingforalark.blogspot.com/2016/02/arabian-golden-winged-grosbeck-at-wadi.html

https://interesting-things.com/yemen-national-bird/

https://www.larsfoto.se/en/gallery/bird-images-from-foreign-trips/oman/18346-arabian-golden-winged-grosbeak

https://www.birdsofsaudiarabia.com/2016/07/looking-for-arabian-golden-winged.html

https://animalia.bio/somali-golden-winged-grosbeak#google_vignette

http://animal.memozee.com/view.php?tid=3&did=28801

https://app.birda.org/species-guide/33900/Arabian_Golden-winged_Grosbeak

https://www.aramcolife.com/en/publications/the-arabian-sun/articles/2020/week-50/birds-of-arabia

Tarix : 27 yanvar 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.